Matiu 11:21 - Maləmce Məfele mala Ɓakuli: Kurcau Məbəshe

²¹ Wun amǝ Korazin, ban nǝ ɓikea wun! Wun amǝ Beseda, ban nǝ ɓikea wun! Ɓǝ̀ ama agir-ndali mǝnana ǝn pea aɓalǝ ala ma'wun ngga à nda ǝn pea arǝ ala mala amǝ Taya andǝ amǝ Sidon ngga, ɓǝa oasǝkina asangginagir a rǝia sǝ à songŋǝna tú amuria ɗiɗyal mana nǝ̀ lǝmndǝ ama à nyingŋǝna acauɓikea malea ka.

Matiu 11:21 ပူးပေါင်းရင်းမြစ်များ

Matiu 11:22

Sǝ mim ngga ǝn nggǝ na wun ama gir mǝnana nǝ̀ kum wun a pwari ɓashi ka, nǝ̀ ɓike nǝ̀ kuti gir mana nǝ̀ kum amǝ Taya andǝ amǝ Sidon ngga.

Matiu 15:21

Yesu nying ban mǝno sǝ o a nzali mala amǝ Taya andǝ amǝ Sidon.

Matiu 18:7

Caukwanban na nǝ ɓanza ace agir mǝnana à kǝ tsǝk aɓwana ɓǝa pak cauɓikea ka! Agir tamban ngga à nǝ̀ yiu púp. Sǝa ma caukwanban na nǝ ɓwa mǝnana à kǝ pur nǝbani ka!

Matiu 26:24

Muna mala Ɓwa ka nǝ̀ wú kǝla mǝnana à gilǝì amuri ka. Sǝa ma caukwanban na nǝ ɓwa mana nǝ̀ mak Muna mala Ɓwa ka! Kǝpǝna mǝnia yì ɓwa ka à ɓǝli raka.”

Markus 3:8

andǝ Urǝshalima, andǝ bu-nzali Idumiya, andǝ nkaring Nggeasala Jodan; sǝ aɓea ka à pur kuko nǝ abu-nzali mala amǝ Taya andǝ Sidon, à yiu ate. Cau mala agir-ndali mana kat kǝ pakki ka mǝsǝe akiban, nda ɓwabunda pas puro yiua sǝne ka.

Markus 6:45

Tu anzǝm mǝno ka, Yesu tsǝk alaggana male ama ɓǝa eauwe a waru, ɓǝa aki dǝmbǝa ɓǝa o a Beseda, sǝ yì ka, kúndǝo nǝ̀ ne aɓwabunda ɓǝa o a la.

Markus 7:24

Yesu nying bu-nzali Galili, o a bu-nzali Taya andǝ Sidon. Kutio a ɓe ɓala, sǝ eare ama ɓǝ̀ kǝɓwa ɓǝ̀ sǝlǝ ce ɗang; kat andǝ amani ka, aɓwana sǝlǝa.

Markus 7:31

Yesu pǝlǝa nying bu-nzali Taya, ara a Sidon, kya pur a kun nggeamur Galili, aɓa bu-nzali Dekapolis.

Markus 8:22

À yì bik Beseda. Aɓea aɓwana yiu nǝ ɓe nte. À yì zǝmbǝi Yesu ama ɓǝ̀ tsǝk bui a rǝì, ɓǝ̀ mǝnmbi wi mǝsǝì.

Luka 4:26

Kat anggo ka Ɓakuli tasǝ Iliya aban kǝɓwa atea ɗang, she aban ɓe man-lú a Zarefat, a bu-nzali Sidon kano kuko.

Luka 6:17

Lang à sulǝni mur nkono ka, Yesu yi came a ɓe palban. Aɓea alaggana male nakam pas aban rambǝa. Aɓwabunda pas mǝnana à purkio aɓa nzali Yahudi, andǝ Urǝshalima andǝa mǝnana a bu-nzali mala amǝ Taya andǝ Sidon mana a kun nggeamur ka, à ndakam gbal.

Luka 9:10

Lang amǝ'mishan nyarǝna ka, à yì banggi Yesu agir kat mǝnana à pak ka. Pǝlǝa umia, yia nǝmurǝia, a ɓe la mǝnana à kǝ tunǝi ama Beseda ka.

Yohana 1:44

Filip ka ɓwa Beseda na, la mala Andǝru andǝ Bitǝrus.

Yohana 12:21

À yiu aban Filip, mǝnana yì gbal ka pur a Beseda aɓa Galili ka, sǝ à zǝmbǝa ama, “Ɓwamǝgule, sǝm nggǝ earce sǝn Yesu.”

Amǝ Mishan 12:20

Hirǝdus ka bumi lullo arǝ amǝ Taya andǝ amǝ Sidon, nda sǝ à wario a tarǝia aban yi à nǝ̀ ngga gilǝki cau, acemǝnana kǝ girlina mana a nzali mala Hirǝdus ka nda à akiyi kam ngga. Lang à kumǝna gbasha aban Bǝlastus, muna ɓala mǝnana murǝm earnǝi ka, pǝlǝa à zǝm cau mala dotarǝu aɓa dorǝpwala.

Amǝ Mishan 27:3

Ban fana ka, sǝm kya bwal nggeala Sidon. Juliyos yì soje mǝgulo ka, lǝmndǝì Bulǝs pê mǝɓoarne. Eari wi ɓǝ̀ kya sǝn agyajam male mǝnana à ndanǝ do akano ka, ɓǝa pe wi gir mǝnana kat ɗwanyi ka.

Yahuda 1:11

Gir'murmwana na amuria! À twalǝna kusǝ Kayinu. Rufi malea ata boalo tsǝngŋǝnia à kpana aɓa ɓwarkio mala Balaam. À mgbikiru kǝla Kora, sǝ à kpana kìɗìkea kǝla yì.

Sǝna 11:3

Sǝ mǝ nǝ pè amǝnakun mem ɓari rǝcandǝa, à nǝ̀ twal anonggeo mǝno á-mwashat nǝ gbǝman-ɓari nǝ́ lumi-tongno-nong-mwashat ka, à nǝ̀ nggǝ hamnǝ cau mala Ɓakuli, nǝ́ anggurbyau gwado a rǝia.”

Sǝna 6:12

Mǝ ndarǝ sǝne sǝ Mǝgam fasǝ tongno-nong-mwashatia gbatali myang. Kara nzali dǝurǝki kǝrkǝr. Pwari twalo pǝndǝ cikcik kǝla nggurbyau pǝndǝa, zongŋo pǝlǝ mǝbangŋe kǝla nkila,