Matiu 11:18 - Maləmce Məfele mala Ɓakuli: Kurcau Məbəshe

¹⁸ Yohana yiu, liki kǝgir ɗang, sǝ nuki kǝgir gbal ɗang. À yì bangŋa ama, “Ndanǝ kukwar a rǝì.”

Matiu 11:18 ပူးပေါင်းရင်းမြစ်များ

Matiu 10:25

Mǝ'eaulǝkigir ka ɓǝ̀ alte ɓǝ̀ kum do kǝla malǝm male, sǝ muna-ɓala ka ɓǝ̀ alte ɓǝ̀ kum do kǝla mǝtala-ɓala male. Ɓǝ̀ mǝtala-ɓala ka à tunǝi ama Murǝm mala akukwar ka, acili amǝɓala ka lullǝu mana à nǝ̀ tunǝia nǝi ka nǝ̀ ɓike nǝ̀ kutibanì!

Matiu 11:17

“Sǝm twangga wun ntetu, sǝ wu tanggwam ɗang; sǝm tuka wun nggyal ɓua lú, sǝ wu ɓua ɗang.”

Matiu 3:4

Agir-nggurǝu mala Yohana mana oasǝ ka à tea nǝ nyang kalakadambi. Nggur-ɓunu male ka nggú na. Girlina male ka doshi na andǝ nyi-pu.

Matiu 9:34

Sǝ amǝ Farisi ka à yì bangŋa ama nǝ murǝm mala akukwar sǝ Yesu kǝ pusǝki akukwar.

Markus 3:22

Sǝ amalǝm Nggurcau mala Musa mana à pur nǝ Urǝshalima ka, à kǝ na ama, “Baalzabul, murǝm mala akukwar kutio a rǝì. Nda gir mǝnana tsǝa sǝ ndanǝ rǝcandǝa mala pǝr akukwar ɓǝa pur ka.”

Luka 1:15

Mǝnia yì muna ka, nǝ̀ duk ɓwamǝgule a ɓadǝm Mǝtalabangŋo. Ɓǝ̀ kǝa nu mba ko ɓe kǝgir mǝnana nǝ̀ walban ngga ɗang. Yì ka, nǝ̀ lumsǝ nǝ Bangŋo mala Ɓakuli, a bum ngge.

Yohana 10:20

Aɓea aɓwana pas aɓalǝia à bangŋa ama, “Yì ka, ndanǝ kukwar a rǝì! Pà aɓa ɗenyicau male ɗang! Ace man sǝ wu kǝ kwaki kir wun a rǝì?”

Yohana 7:20

Ɓwabunda mǝnana ram ngga ne wi ama, “We ka, kukwar na a rǝo. Yana alkiyito ama nǝ̀ wal-luio?”

Yohana 8:48

Sǝ aɓwana-mǝgule mala amǝ Yahudi ɗi Yesu ama, “Cau mǝnana sǝm na ama a nda ɓwa Samariya sǝ kukwar na a rǝo ka mǝsǝcau na re?”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Amǝ Mishan 26:24

Lang Bulǝs na ban bǝl kuni anggo ka, kara Festus sàrǝi ama, “Bulǝs, we ka muro pǝlǝna! Ɓalgir mo mǝkǝrkǝr nì tsǝngŋǝno ɓamuro pǝlǝna!”

1 Amǝ Korinti 9:27

Ən kani nggūrǝam gir, ǝn ci ɓǝ̀ tanni ace mǝnana ɓǝ̀ okam; ǝn nggǝ pa anggo ace mǝnana, anzǝm mana ǝn hamǝni aɓwana Cau Amsǝban ngga, mim nǝ ɓamuram ngga, ɓǝa kǝa ginǝam, à girǝam nǝ tangnakusǝam ɗang.