Matiu 11:11 - Maləmce Məfele mala Ɓakuli: Kurcau Məbəshe

¹¹ Ən nggǝ na wun mǝsǝcau: Ata ɓwapǝndǝa kat ka à malaká ɓǝl kǝɓwa a ɓanza man mǝnana kum gulo kuti mala Yohana Mǝbatisǝma ka ɗang; sǝa ma ɓwa mǝkyauwe kat a Domurǝm mala kuli ka, kuti Yohana nǝ gulo.

Matiu 11:11 ပူးပေါင်းရင်းမြစ်များ

Matiu 11:10

Yì nda ɓwa mǝnana à gilǝ mǝnia yì cau amuri ka ama: “Mǝ nǝ tur mǝturonjar mem a ɓadǝmbǝo, mǝnana nǝ̀ yia gilǝkio njar ace yiu mo ka.”

Matiu 11:12

Lo a nza mala Yohana Mǝbatisǝma yi bwal a dyan ngga, Domurǝm mala Kuli ka kǝ nu tanni kǝrkǝr a bu aɓwana, sǝ amǝ bumpina ka à kǝ̀ é nǝ rǝcandǝa.

Matiu 3:1

Arǝ abaku mǝno ka, Yohana Mǝbatisǝma yiu kǝ hamnǝ cau a ɓabondo a bu-nzali Yahudi

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 5:19

Ɓǝ̀ yana kat sǝ yàllî nzong mǝkyauwe mwashat aɓalǝ amǝnia yì anzongcau, sǝ kǝ kani aɓwana ama ɓǝa pa kǝla yì ka, nǝ̀ ngga duk rítǎu aɓa Domurǝm mala kuli. Sǝ ɓwa mǝnana kǝ kpata amǝnia yì anzongcau sǝ kǝ kani aɓwana ama ɓǝa pa kǝla yì ka, nǝ̀ ngga duk ɓwamǝgule a Domurǝm mala kuli.

Luka 1:15

Mǝnia yì muna ka, nǝ̀ duk ɓwamǝgule a ɓadǝm Mǝtalabangŋo. Ɓǝ̀ kǝa nu mba ko ɓe kǝgir mǝnana nǝ̀ walban ngga ɗang. Yì ka, nǝ̀ lumsǝ nǝ Bangŋo mala Ɓakuli, a bum ngge.

Luka 7:28

Ən nggǝ na wun, aɓalǝ aɓwana mǝnana kat à ɓǝlia a ɓanza man ngga, kǝɓwa pà kàm kuti Yohana nǝ gulo ɗang. Sǝa ma ɓwa mǝnana nda mǝkyauwe kat aɓata Domurǝm mala Ɓakuli ka ndanǝ gulo kuti.”

Luka 9:48

sǝ nea wia ama, “Koyana sǝ ɓǝ̀ ak muna kǝla mǝnia ace lullǝam ngga, angŋǝnam, sǝ ɓwa mǝnana em ngga, angŋǝna Tárram mǝnana tasǝam ngga. Ɓwa mǝnana kutibanì kat a nongsǝmuru aɓalǝ wun ngga, nda ɓwamǝgule ma'wun kat.”

Yohana 1:15

Yohana ne aɓwana cau amuri nǝ giu mǝcande ama, “Mǝnia ka nda ɓwa mǝnana ǝn na wun cau amuri nǝma nda ban yiu a nzǝmam ngga, sǝ yì ka, kutiam nǝ gulo, acemǝnana yì ka, ndakam ɗiɗyal sǝ à yì ɓǝlam.”

Yohana 1:27

yì ka, nda ɓwa mǝnana kǝ yiu a tam tu ka, ǝn kārǝa mǝ nǝ panzǝ anggur-nkura male ɗang.”

Yohana 10:41

Aɓwana pas yiu abani, à kǝ bangŋa a rǝarǝia ama, “Yohana pak kǝ gir'ndǝlǝki ɗang, sǝa ma acau mǝnana ne amur man yì ɓwa ka, à yì pur a mǝsǝcau.”

Yohana 3:30

Dumǝna púp ama, nǝ̀ nggǝ lidǝmbǝa nǝ gulo, sǝ mim ngga mǝ nǝ nggǝ amsǝa.

Yohana 5:35

Yohana ka nda kǝla pitǝla mana kǝ earke sǝ kǝ ta ka, sǝ wun ngga wu eare wu nǝ̀ pak banɓoarnado zuku arǝ tǎlaban male.

Yohana 7:39

Yesu naban na cau amur kǝ Bangŋo mǝnana aɓwana mana à pà ɓamuria abani ka, à nǝ̀ ngga kum ngga. Sǝ a pwari mǝno gbal anggo ka à malaká pà Bangŋo ni ɗang, acemǝnana Yesu malaká loapi ɓembe kutia aɓa gulo male peatu raka.

1 Amǝ Korinti 15:9

Mim ngga, mǝ nda rítǎu aɓalǝ amǝ'mishan. Ɓafo ka, ǝn kārǝa ɓǝa ɓallam aɓalǝ amǝ'mishan ɗang, ace kǝ pàtanni mǝnana ǝn pe ikǝlisiya mala Ɓakuli ka.

1 Amǝ Korinti 6:4

Ɓǝ̀ ulang acau mǝno kum wun ngga, palang sǝ wu nǝ̀ ngga twal aceì wu nǝ̀ ká nǝia a ɓadǝmbǝa amǝɓashi mǝnana ikǝlisiya kǝ twalia nǝ gulo raka?

Amǝ Afisu 2:3

Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggurǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealǝu ma'sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.

2 Timoti 1:10

Sǝ ado ka, lǝmndǝna sǝmi bwāng nǝ yiu mala Kǝrǝsti Yesu, Mǝ'amsǝ sǝm, mǝnana ɓun rǝcandǝa mala lú, pǝlǝa lǝmndǝa sǝm njar mala yilǝmu mǝnana málá male pà kàm raka, aɓa Cau Amsǝban.

Amǝ Ibǝru 11:40

acemǝnana Ɓakuli ka, ndanǝ gir mǝnana ɓoaribanì ka aɓa kane mala ace sǝm. Kane mala Ɓakuli ka nda mǝnana ama, yia ka à pà nǝ̀ kum lumsǝo kǝla mǝnana earkiyice ɓǝa pak ka ɗang she ɓǝ̀ sǝm ngga sǝm nda atea ka.

1 Bitǝrus 1:10

Mǝnia yì amsǝban ngga, amǝ'ɓangna mala Ɓakuli sǝnggi pepe sǝ à bǝlkusǝi ɓukɓuk à nǝ̀ surǝ kǝgir amuri, sǝ à bang cau mala ɓwamuru mana Ɓakuli nǝ̀ yia lǝmndǝa wun ngga.