Matiu 10:41 - Maləmce Məfele mala Ɓakuli: Kurcau Məbəshe

⁴¹ Ɓwa mana ak mǝɓangna mala Ɓakuli acemǝnana ama yì ka, ɓwa mala Ɓakuli na ka, nǝ̀ kum tangnakusǝu mala mǝɓangna. Sǝ ɓwa mǝnana ak mǝ'cauɓoarna ace mǝnana ama yì ka, mǝ'cauɓoarna na ka à nǝ̀ pe wi tangnakusǝu mala mǝ'cauɓoarna.

Matiu 10:41 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 25:44

Sǝ yia gbal ka à nǝ̀ ear ama, “Mǝtalabangŋo, a ya pwari sǝ sǝm kumǒ nǝ nzala, ko a ndanǝ mǝsamur, ko a nda bǝri, ko a ndanǝ ɓato, ko nǝ rǝkwana, ko aɓa ndàkurban, sǝ sǝm ginǝ ɗenyi nǝ we?”

Matiu 25:45

Yì ka, nǝ̀ earia wia ama, “Ɓafo, ǝn nggǝ bangga wun, gir mana kat wu ginǝ pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu ginǝ pakkam ngga.”

Matiu 6:1

Wu tsǝk kir wun, wu kǝa pakki aturo-ɓoarna ma'wun a ɓamǝsǝ aɓwana ace mǝnana ɓǝa sǝn wun ngga ɗang. Ɓǝ̀ wu kǝ pa anggo ka, pa wu nǝ̀ kum ɓe kǝ tangnakusǝu aban Tár wun mana a kuli ka ɗang.

Matiu 6:18

Anggo ka aɓwana pà nǝ̀ sǝlǝ ama a ndarǝ gilmur ɗang, she kǝ Tarró mǝnana à sǝnggiyi raka. Sǝ Tarró mǝnana kǝ sǝn gir mana a kǝ pe aɓa sǝmbǝrǝa ka nǝ̀ po tangnakusǝo.

Matiu 6:4

ace mǝnana ɓǝ̀ pagir mo ka ɓǝ̀ pa aɓa sǝmbǝrǝa. Sǝ Tarró mana kǝ sǝn gir mǝnana a kǝ pe aɓa sǝmbǝrǝa ka nǝ̀ po tangnakusǝo.

Matiu 6:6

Sǝ we ka, ɓǝ̀ a wu nǝ pak hiwi ka, kuti a ndà mo, gir kun-nda sǝ pak hiwi aban Tarró mǝnana à sǝnggiyi raka. Sǝ Tarró mana kǝ sǝn gir mǝnana a kǝ pe aɓa sǝmbǝrǝa ka, nǝ̀ po tangnakusǝo.

Matiu 7:8

Ɓwa mǝnana kat zǝm ngga à nǝ̀ pe wi; ɓwa mǝnana alte ka nǝ̀ kumo; sǝ ɓwa mǝnana wal kunkurǝm ngga, à nǝ̀ mǝnmbi wi.

Amǝ Mishan 16:15

Anzǝm mana à pangŋǝni batisǝma andǝ amǝ ɓala male ka, pǝlǝa tunǝ sǝm ɓǝ̀ sǝm yiu a ɓala male; na ama, “Ɓǝ̀ wu earnǝ mim ama mǝ nda mǝkwaɗi mǝɓafoe aban Mǝtalabangŋo ka, wu yiu, wu sulǝo a ɓala mem.” Cam arǝ ɓuaki arǝ sǝm gandǝa sǝm eare.

Amǝ Roma 16:23

Gayus, ɓwa mǝnana ǝn sulǝo a ɓala male, sǝ a ɓala male sǝ amǝkpata Ɓakuli mana akani kǝ̀ kpapi ka, kǝ̀ makka wun kun. Arasǝtus, mǝ'tsǝk boalo mala nggeala, andǝ mǝ'eam sǝm Kwartus, à kǝ makka wun kun.

1 Amǝ Korinti 9:17

Ɓǝ̀ twale mala ɓamuram na sǝ ǝn nggǝ hamnǝ cau ka, à nǝ̀ mbwem; sǝ ǝn nggǝ pe, acemǝnana gir na mǝnana Ɓakuli nǝ̀ pam ama ɓǝ̀ ǝn pe ka.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

2 Yohana 1:8

Wu tsǝkir wun, ace mǝnana wu kǝa ɗwanyi tangnakusǝu turo ma'wun ɗang. Wu ak tangnakusǝ wun ɗǝɗak.