Matiu 10:33 - Maləmce Məfele mala Ɓakuli: Kurcau Məbəshe

³³ Sǝ ɓwa mǝnana makgir surǝam a dǝmbǝa ɓwana ka, mim gbal ka mǝ nǝ makgir surǝe a ɓadǝm Tárram mǝnana a kuli ka.

Matiu 10:33 ပူးပေါင်းရင်းမြစ်များ

Markus 14:30

Yesu ne wi ama, “Ɓafo, ǝn nggǝ no ama, yalung, nǝ bu du mǝnia ka, kaniama ɓǝ̀ nggu ɓua kuni ɓari ka, we nǝ nggearǝo a nǝ makgirem kusǝ tārú ama, a surǝam ɗang.”

Markus 14:72

Banì sau ɗang, nggu ɓua ɓaria kuni. Kara ɓalǝ Bitǝrus kasǝ arǝ cau mǝnana Yesu ne wi ama, “Kaniama ɓǝ̀ nggu ɓua kuni ɓari ka, a nǝ bang kusǝ tārú ama a surǝam ɗang.” Sǝ Bitǝrus kpa ɓua.

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 12:9

Sǝ ɓwa mǝnana kat makgir surǝam a ɓadǝm ɓwapǝndǝa ka, mǝ nǝ makgir surǝe gbal a ɓadǝm amǝturonjar mala Ɓakuli.

Luka 22:57

Bitǝrus pǝlǝa tǝmce ama, “Mɓwama, ǝn surǝ ɓwe ɗang.”

Luka 9:26

Ɓǝ̀ kǝsǝkya kǝ pakki ɓwa a rǝam andǝ cau mem ngga, kǝsǝkya nǝ̀ pakki Muna mala Ɓwa a rǝì, a pwari mǝnana nǝ̀ yiu nǝi, aɓa ɓoarɓwa male andǝ ɓoarɓwa mala Tarrí andǝ mala amǝturonjar mǝfele ka.

2 Timoti 2:12

Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.

2 Bitǝrus 2:1

Sǝ amǝ'ɓangna mǝ'nyirì gbal ka à lo aɓalǝ amǝ Isǝrayila, sǝ kǝla mǝno ka amǝkanigir mǝ'nyirì nǝ̀ ngga lo aɓalǝ wun. Aɓa kutan à nǝ̀ yiu nǝ akanigir mǝ'nyirì mǝnana à nǝ̀ kiɗikina paɓamuru mala aɓwana nǝia ka, yale à nǝ̀ tǝmce Mǝtalabangŋo mǝnana akmúr sǝm aɓalǝ acauɓikea ma'sǝm ngga. Anggo sǝ à nǝ̀ nunmbi ɓamuria kiɗikiban a kaurǝa.

1 Yohana 2:23

Ɓwa mǝnana ginǝ eare ama Yesu nda Muna mala Ɓakuli ka, ginǝna Ɓakuli Tarrû, sǝ ɓwa mǝnana earnǝi ama Yesu nda Muna mala Ɓakuli ka, earǝna nǝ Ɓakuli Tarrû gbal.