Matiu 10:26 - Maləmce Məfele mala Ɓakuli: Kurcau Məbəshe

²⁶ Ace mani ka ɓangciu ɓǝ̀ kǝa pakka wun arǝ aɓwana ɗang. Gir mǝnana à mbuɓɓǝ́ki te ado ka te nǝ̀ ngga puro, sǝ kǝgir pà kàm mǝnana sǝmbǝrǝa sǝ à pà nǝ̀ sǝlǝce raka.

Matiu 10:26 ပူးပေါင်းရင်းမြစ်များ

Matiu 10:28

Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.

Markus 4:22

Anggo gbal gir kat mala cau mala Ɓakuli, mǝnana sǝmbǝrǝa aɓwana bwalte raka, à nǝ̀ ngga pusǝì a banfana, ɓǝ̀ aɓwana surǝì.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Luka 8:17

Kǝgir pà kàm a sǝmbǝrǝa mǝnana à pà nǝ̀ pusǝ ce raka, sǝ kǝgir pà kàm mǝnana à nǝ̀ gir ce, mǝnana à pà nǝ̀ surǝì ko tè pà nǝ̀ pur raka.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 4:13

Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.

Amǝ Mishan 4:19

Sǝ Bitǝrus andǝ Yohana nea wia ama, “Nggearǝ wun nǝ ɓamur rǝ wun ngga, wu gau mǝnia yì ɓashi ka a ɓadǝm Ɓakuli, amur mana ɓoaro ɓǝa pa; ɓǝa oka wun le, ko ɓǝa oki Ɓakuli?

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

1 Bitǝrus 3:14

Sǝ ko ɓǝ̀ wu kum tanni ace pak gir mǝnana nda a njari ka, wu ndanǝ tsǝkbu mala Ɓakuli. Ace mani ka, “bum wun ɓǝ̀ kǝa zurǝki ɗang, sǝ ɓangciu ɓǝ̀ kǝa pakka wun ɗang.”