Matiu 10:19 - Maləmce Məfele mala Ɓakuli: Kurcau Məbəshe

¹⁹ Sǝ ɓǝ̀ à yì bwalkina wun ngga, ɓalǝ wun ɓǝ̀ kǝa kasǝkia arǝ cau mǝnana wu nǝ̀ na ko lang sǝ wu nǝ̀ na ce ka ɗang. Àkǝ̀ pwari mǝno Bangŋo mala Ɓakuli nǝ̀ pa wun cau mǝnana wu nǝ̀ na ka.

Matiu 10:19 ပူးပေါင်းရင်းမြစ်များ

Matiu 10:18

À nǝ̀ ká nǝ wun a ɓadǝmbǝ amurǝma andǝ amǝtala nzali ace cau mem, ace mǝnana ɓǝ̀ wu bang Cau Amsǝban mem abania sǝ aban aɓwana mǝnana amǝ Yahudi na raka.

Matiu 6:25

Nda ǝn nggǝ na wun ama, wu kǝa pe rǝ wun tanni nǝ ɗenyicau ɓangciu amur do ma'wun, ace gir mǝnana wu nǝ̀ li andǝ mǝnana wu nǝ̀ nu ka ɗang; ko ace gir mǝnana wu nǝ̀ oasǝo arǝ wun ngga. Nggearǝì ka yilǝmu kuti girlina re, sǝ nggurǝu kuti agir-nggurǝu re?

Matiu 6:31

Ce wu kǝa ɓuanǝbum wun ama, “Mana sǝm nǝ̀ li, ko mana sǝm nǝ̀ nu, ko mana sǝm nǝ̀ oasǝo” ka ɗang.

Matiu 6:34

Ɓǝ̀ ɓalǝ wun ɓǝ̀ kǝa kasǝkya amur cau mala li ɗang, acemǝnana pwari mala lí ka ndanǝ amale yì tanni. Ko ya pwari ka ndanǝ atanni male mǝnana à kārǝa rǝì ka.

Luka 12:11

Ɓǝà wari nǝ wun aɓalǝ andakpapi, a ɓadǝmbǝ amǝɓashi andǝ amurǝma ka, ɓǝ̀ ɓalǝ wun ɓǝ̀ kǝa kasǝkia arǝ pǝlǝcau, ko mana wu nǝ̀ na ka ɗang.

Luka 12:12

Acemǝnana àkǝ̀ banì Bangŋo Mǝfele nǝ̀ kania wun cau mǝnana wu nǝ̀ na ka.

Amǝ Mishan 6:10

Sǝ Bangŋo mala Ɓakuli pe Itǝfanu sǝlǝe mǝnana ɓǝ̀ na cau ka, kǝɓwa atea gandǝ makgirì ɗang.

Amǝ Filipi 4:6

Ɓǝ̀ kǝgir ɓǝ̀ kǝa tsǝk wun a do-tiki nǝ muru ɗang. Aɓa koya gir ka, wu pak hiwi nǝ zǝmbǝa, wu lǝmndǝì Ɓakuli agir mǝnana wu earkiyi cea ka, sǝ wu kǝ pak yàwá.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.