Matiu 10:17 - Maləmce Məfele mala Ɓakuli: Kurcau Məbəshe

¹⁷ Wu par kir wun nǝ aɓwana. À nǝ̀ ká nǝ wun aban amǝɓashi. À nǝ̀ kok wun aɓalǝ andakpapi malea.

Matiu 10:17 ပူးပေါင်းရင်းမြစ်များ

Matiu 10:18

À nǝ̀ ká nǝ wun a ɓadǝmbǝ amurǝma andǝ amǝtala nzali ace cau mem, ace mǝnana ɓǝ̀ wu bang Cau Amsǝban mem abania sǝ aban aɓwana mǝnana amǝ Yahudi na raka.

Matiu 20:19

À nǝ̀ tasǝi a bu aɓwana mǝnana amǝ Yahudi na raka mǝnana à nǝ̀ ɓǝsǝki, à nǝ̀ kwe, sǝ à nǝ̀ gballì a nggun-gangndi ka. A tāruia nongŋo ka nǝ̀ lo nǝ yilǝmu!

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Matiu 26:59

Yia agbani pǝris andǝ acili aɓwana-mǝgule ka à ndarǝ alte à nǝ̀ kum cau nyir amur Yesu mǝnana à nǝ̀ kumo à nǝ̀ wal-luí nǝi ka,

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Markus 13:12

Mǝ'eambǝu nǝ̀ pà mǝ'eambǝi ɓǝa wal-luí. Tarrû nǝ̀ pà muni. Amuna nǝ̀ lo arǝ atárria andǝ anggea à nǝ̀ tsǝa ɓǝa wal-luia mak.

Markus 13:9

Wu do nǝ yal ɓamur rǝ wun! À nǝ̀ oasǝki mur wun aban amǝ ɓashi, à nǝ̀ kwak wun arǝ andakpapi. Sǝ acemǝnana wu nda ka amǝ kpatam ngga, à nǝ̀ kánǝ wun a ɓashi a ɓadǝmbǝa anggwamna andǝ amurǝma. Aɓa mǝno anggo ka wu nǝ̀ kumo wu nǝ̀ duk amǝ'nakunam abania.

Luka 12:11

Ɓǝà wari nǝ wun aɓalǝ andakpapi, a ɓadǝmbǝ amǝɓashi andǝ amurǝma ka, ɓǝ̀ ɓalǝ wun ɓǝ̀ kǝa kasǝkia arǝ pǝlǝcau, ko mana wu nǝ̀ na ka ɗang.

Yohana 11:47

Pǝlǝa amǝ Farisi andǝ agbani pǝris tunǝ do mala amǝkurcau. À ɗi rǝia ama, “Mana ado sǝm nǝ̀ pa? Aɓa mǝsǝcau ka, ɓwa mǝnia nà kǝ pakki agir-ndǝlǝki pas ka!

Yohana 16:2

À nǝ̀ pǝr wun arǝ yiu aɓalǝ andakpapi, sǝ pwari na kǝ yiu ka, mana ɓwa mǝnana wal-lú wun ngga nǝ̀ twali ama nda ban pakki Ɓakuli turo.

Amǝ Mishan 17:14

Amǝkpata Yesu lo tu, à tasǝ ta Bulǝs a kun nggeamur, sǝ Silas andǝ Timoti ka à ueo a Biriya.

Amǝ Mishan 22:19

Pǝlǝa ǝn ne wi nǝma, “Mǝtalabangŋo, kǝla yia ka à sǝlǝna ama, a koya ndakpapi ka ǝn wario ǝn nggǝ bwalki amǝ kpato, ǝn nggǝ pea wia tanni.

Amǝ Mishan 26:11

Kusǝ pas ǝn tsǝa à pea wia tanni arǝ andakpapi, ǝn nggǝ cia ɓǝa makgir kpata Yesu. Acemǝnana ǝn ɓinǝ mǝsǝia kǝrkǝr ka, ǝn zuppi atea arǝ aɓea anggea-là ace ká pea wia tanni.

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.

Amǝ Filipi 3:2

Wu tsǝk kir wun arǝ anvwa mǝno, amǝ'ɓealɓikea, mǝnana à cam kingging nǝ cau mala kasǝ-ɓatau ace kum amsǝban ngga.

2 Timoti 4:15

We gbal ka, tsǝk kiro a rǝì, acemǝnana kǝ munǝ arǝ koya cau sǝm bang ngga.

Amǝ Ibǝru 11:36

Aɓea ɓwana atea ka, à oalia oalban zalǝban sǝ à kwea. Aɓea ka, à oasǝia a nsolo sǝ à ramtea a ndàkurban.