Matiu 10:16 - Maləmce Məfele mala Ɓakuli: Kurcau Məbəshe

¹⁶ Mǝ ndya ǝn nggǝ tur wun kǝla anzur aɓalǝ anvwa bondo. Ace mani ka wu dum nǝ sǝlǝe kǝla an'yau, sǝ wu pak ɓukɓuk kǝla akutu.

Matiu 10:16 ပူးပေါင်းရင်းမြစ်များ

Matiu 24:25

Wu tsǝk kir wun, ǝn gbara ǝn bangŋǝna wun adyan.

Matiu 24:45

Yana ɓwe nda guro mǝ'mǝsǝcau nì andǝ mǝsǝle mǝnana mǝtala-ɓala male twali tsǝi amur acili aguro, ɓǝ̀ kǝ pea wia girlina a bu-pwari mǝnana kasǝ ka?

Matiu 25:2

Aman tongno atea ka à kwar ɗang, sǝ aman tongno ka à kwaro.

Matiu 25:4

Sǝ aman à kwar ka à twal apitǝla malea andǝ muru arǝ adu a buia.

Matiu 25:9

Pǝlǝa amǝkware earia wia ama, “Awo, muru ka pà nǝ̀ karǝ sǝm sǝnǝa wun ɗang. Ndikǝna wu kya ban amǝme wu kur ma'wun.”

Luka 10:3

Wu kyane! Ən nggǝ tasǝ wun kǝla amuna-nzur aɓalǝ anvwa-bondo.

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Amǝ Mishan 20:29

Ən sǝlǝna ama anzǝm mǝnana ǝn nyingŋǝna ban wun ngga, amǝkanigir-nyir, kǝla anvwa bondo mǝɓealɓike, à nǝ̀ yiu aɓalǝ wun, ace mǝnana à nǝ̀ kiɗiki domwan mala Ɓakuli, amǝkwaɗi ka.

1 Amǝ Korinti 14:20

Wun amǝ'eamrǝarǝu, wu kǝa pǝlǝ amuntulo aɓa ɗenyicau ma'wun amur surǝ amǝnia yì agir ka ɗang. Wu duk amuntulo arǝ ɓealɓikea, sǝ wu gul aɓa ɗenyicau ma'wun.

2 Amǝ Korinti 1:12

Nggori ma'sǝm ngga, nda mǝnana ama, giu-ɓabum sǝm kǝ bangga sǝm ama aɓa mǝsǝcau ka sǝm dumǝna do ɓanza nǝ ɓabum ɓoarnsari. Sǝm dumǝna gbal nǝ ɓabum sǝm mwashat mǝnana kǝ pur nǝban Ɓakuli ka, nggeamurǝmi ka, mǝnana lǝmndǝa aɓa dotarǝu ma'sǝm sǝnǝa wun ngga. Sǝ mǝno ka sǝm pè aɓa kpata sǝlǝe mala ɓwapǝndǝa ɗang, nda nǝ ɓwamuru mala Ɓakuli.

2 Amǝ Korinti 11:14

Sǝ gir'ndali na ɗang. Ko nggearǝ Shetan nǝ ɓamuri ka, kǝ ɓosǝki rǝì kǝla mǝturonjar mala tǎlaban.

2 Amǝ Korinti 11:3

Sǝa ma, ɓangciu kǝ pakkam, ɓǝ̀ kǝa do ama, kǝla mǝnana n'yau ɓosǝki Hawawu nǝ swarkiban male ka, ɓǝ̀ ɓosǝki ɗenyicau ma'wun, gandǝa wu nǝ̀ nying paɓamuru ma'wun mǝ'mǝsǝcau nì andǝ mǝɓoarnsari arǝ Kǝrǝsti ɗang.

2 Amǝ Korinti 8:20

Sǝm nǝ̀ yia o a tarǝ sǝm, ace mǝnana ɓǝa kǝa tsǝka sǝm kun, amur njar mǝnana sǝm nggǝ kar nǝ mǝnia yì ɓoro ma'wun ngga ɗang.

Amǝ Filipi 2:15

Anggo ka, wu nǝ̀ duk amuna mala Ɓakuli amǝ ɗwanyi cau a rǝǔ, amǝɓabum ɓoarnsari, andǝa mǝnana à pà nǝ̀ kum kǝ mǝɓane a rǝia raka. Wu nǝ̀ dukdo anggo aɓalǝ aɓwana mala nza mǝ ɗwanyi mǝsǝcau andǝ mǝ kpata njar kiɗiki, mǝnana wu nǝ̀ nggǝ tǎ aɓalǝi kǝla anlero aɓa ɓanza ka.

Amǝ Kolosi 1:9

Ace mani ka, twal a pwari mǝnana sǝm tita okce wun ngga, sǝm usǝlǝkiyi pak hiwi ace wun ɗang. Sǝm nggǝ zǝmbǝi Ɓakuli ɓǝ̀ pa wun sǝlǝe mala surǝ gir mǝnana earkiyi ce kat ka, sǝ ɓǝ̀ pa wun sǝlǝe mala Bangŋo andǝ bwalta kusǝ agir male kat.

Amǝ Kolosi 4:5

Wu dum nǝ kwaro a do ma'wun aɓalǝ aɓwana mǝnana à ak Cau Amsǝban raka, sǝ koya dǝmbǝu mǝnana wu kum ngga, wu kǝa kiɗiki ce ɓà ɗang.

1 Amǝ Tasalonika 2:10

Sǝ wun ngga, wu nda ka amǝ nakun sǝm, kǝla mǝnana Ɓakuli kǝ nakun sǝm ama, do ma'sǝm aɓalǝ wun, wun aɓwana mǝnana wu pana ɓamur wun ngga, nda aɓa pa rǝǔ aban Ɓakuli, andǝ pak pépè, andǝ mala ɗwanyi cau a rǝǔ.

1 Amǝ Tasalonika 5:22

Wu kǝa sungŋo aban gir mǝnana kat pur mǝɓike ka ɗang.