Matiu 10:15 - Maləmce Məfele mala Ɓakuli: Kurcau Məbəshe

¹⁵ Ən nggǝ na wun mǝsǝcau, a pwari ɓashi ka, amǝ Sodom andǝ amǝ Gomora ka, ɓashi malea nǝ̀ ɓoari mala amǝla mǝno.

Matiu 10:15 ပူးပေါင်းရင်းမြစ်များ

Matiu 12:36

Sǝ ǝn nggǝ na wun ama a pwari ɓashi ka aɓwana nǝ̀ bǝlki ɓa ko ya cau mǝɓane na pur a kunia ka.

Matiu 5:18

Ən nggǝ na wun mǝsǝcau, kǝ muna-cau pà kàm, sǝ ɓe kǝgir bǝti pà kàm aɓa Nggurcau mala Musa mǝnana à nǝ̀ pusǝì ka ɗang, she ɓǝ̀ kuli andǝ nzali ka tea malǝna ka.

Matiu 7:22

A masǝlǝata apwari ka aɓwana pas nǝ̀ yiu à nǝ̀ nam ama, “Mǝtalabangŋo, Mǝtalabangŋo, nǝ lullǝo sǝ sǝm hamnǝ cau re, sǝ nǝ lullǝo sǝ sǝm pusǝki akukwar, sǝm pakki agir-ndǝlǝki pas re?”

Markus 6:11

Sǝ ɓǝ̀ wu wario àkǝ̀ ban sǝ à ɓinǝ ak wun ko à ginǝ cau ma'wun ngga, wu kǝtǝrǝki tu mǝnana a kusǝ wun ngga, ɓǝ̀ wu nǝ̀ nying banì ka. Ɓǝ̀ dupia wia gir'lǝmndǝa ama, bu wun pa aɓa ɓashi mǝnana nǝ̀ yiu amuria ka ɗang!”

Yohana 12:48

Aɓwana mǝnana kat à ginǝam sǝ à ginǝ ak cau mem ngga, à ndanǝ mǝɓashi mǝnana nǝ̀ ɓashia wia ka. Acau mǝnana ǝn nea ka, à nǝ̀ mea a ɓashi a masǝlǝata apwari!

Yohana 6:39

Sǝ mǝnia ka nda kànì mala Tárram mǝnana tasǝam ngga, ama ɓǝn ngga turta kǝɓwa aɓalǝ aɓwana mǝnana pam ngga ɗang, sǝ a kun mani ka ɓǝn loasǝia kat nǝ yilǝmu a masǝlǝata apwari.

Yohana 6:40

Gir mǝnana Tárram earkiyice ka, nda mǝnana ama ɓwa mana kat sǝn Muni sǝ paɓamuri abani ka, ɓǝ̀ kum yilǝmu mǝnana málá male pà kàm raka, sǝ mim gbal ka mǝ nǝ loasǝi nǝ yilǝmu a masǝlǝata apwari.”

Amǝ Mishan 17:31

Acemǝnana yì ka, tsǝngŋǝna pwari mana nǝ̀ ɓashi ɓanza nǝi aɓa mǝsǝcau, nǝ bu ɓwa mǝnana ci ka. Lǝmndǝna mǝnia yì ɓwa ka aban aɓwana kat, nǝ loasǝo mana loasǝi a ɓembe nǝ yilǝmu ka.

1 Amǝ Korinti 3:13

turo mala ko ya ɓwa ka nǝ̀ pusǝrǝi, acemǝnana a Pwari mala Kǝrǝsti ka, tea nǝ̀ puro. Bǝsa na nǝ̀ pusǝ tea ka. Sǝ bǝsa na nǝ̀ karǝki koya turo nani ɓwa pè ka.

1 Amǝ Tasalonika 5:4

Sǝ wun amǝ'eambǝam ngga, wu pa ɗǝm aɓa pǝndǝa ɗang, mǝnana mǝno yì pwari ka nǝ̀ yia yasǝlǝ wun kǝla yiu mala mǝn'i ka ɗang.

Amǝ Ibǝru 10:25

Sǝ ɓǝ̀ sǝm ngga burice kpapi ma'sǝm abanɓwáná, kǝla mǝnana aɓea aɓwana na aɓa ɓealǝu mala pê anggo ka ɗang. Ɓǝ̀ sǝm nggǝ ɓak ɓabuma rǝ sǝm, sǝ ɓǝ̀ sǝm pa rǝcandǝa arǝ pe kpǝm, kǝla mǝnana ado wu kǝ sǝn Pwari nyare yiu mala Mǝtalabangŋo no kǝ gbashi tu ka.

2 Bitǝrus 2:6

Ɗǝm ngga Ɓakuli ɓasha anggea-là mala amǝ Sodom andǝ mala amǝ Gomora, pisǝia à pǝlǝ agigi mala tú. Pǝlǝa cia à duk girkani arǝ gir mǝnana nǝ̀ kum amǝ ɗwanyi kpata Ɓakuli.

2 Bitǝrus 2:9

Sǝ acemǝnana Ɓakuli pak mǝno ka, yì ka, surǝna njar mana nǝ̀ amsǝna amǝ'ɓealɓoarna nǝi aɓalǝ akárǝkiban malea, sǝ amǝ'ɓealɓikea ka, nǝ̀ cia aɓata tanni, ba pwari mala ɓashi.

2 Bitǝrus 3:7

Nǝ́ kǝ cau mǝ'mwashati ka, kuli andǝ ɓanza mana ado ndakam ngga, cia nǝ tsǝa ace kiɗikia nǝ bǝsa. À cia nǝ tsǝa ace pwari ɓashi mǝnana Ɓakuli nǝ̀ kiɗiki aɓwana mana à pànǝ ulang do male raka.

1 Yohana 4:17

Ani ka, earcearǝu kum lumsǝo aɓalǝ sǝm, sǝ anggo ka, ɓangciu pà nǝ̀ pakka sǝm a Pwari Ɓashi ɗang, acemǝnana sǝm nda kǝla Yì a mǝnia yì ɓanza ka.

Yahuda 1:6

Ɗǝm ngga wu sǝlǝna ama amǝturonjar mǝnana à turta gulo malea, à yàllî bancame malea ka, Ɓakuli kurkia nǝ ansolo, kùrban mǝnana málá male pà kàm raka, sǝ girkunia aɓa pǝndǝa, ba Pwari ɓashi mǝgule.

Yahuda 1:7

Ɗǝm ngga wu ɗenyi nǝ gir mǝnana kum amǝ Sodom andǝ Gomora, andǝ acili ala mǝnana abania tu, mǝnana à kuti aɓa do kìɗìkì mala nonggi nǝ rǝarǝu andǝ pakki agir suno nongnǝban mǝnana kyanggi do mǝɓoarne ka, kǝla mana amǝturonjar mǝno pe ka. Ɓakuli sok bǝsa amuria, ace mǝnana ɓǝ̀ duk girkani aban aɓwana kat, mala pibǝsa mǝnana malkiyi raka.