Matiu 1:22 - Maləmce Məfele mala Ɓakuli: Kurcau Məbəshe

²² Agir mǝnia kat ka à yì pa anggo ace mǝnana ɓǝa lumsǝ cau mala Mǝtalabangŋo mana pur a kun mǝɓangna male ama:

Matiu 1:22 ပူးပေါင်းရင်းမြစ်များ

Matiu 12:17

Mǝnia ka nda lumsǝ cau mala Ishaya mǝɓangna mala Ɓakuli ka. Na ama:

Matiu 13:21

Sǝ acemǝnana nlerǝi ko a nzali raka, gandǝ came banì sau ɗang. Pwari mǝnana tanni yipi wi acemǝnana paɓamuri arǝ cau mala Ɓakuli ka, nǝ̀ kaurǝ a kpa.

Matiu 13:35

Pak mǝnia ka ace mǝnana ɓǝa lumsǝ cau mana mǝɓangna mala Ɓakuli bangŋa ama, “Mǝ nǝ mǝn kunam nǝ kanicau, Mǝ nǝ arkia wia ɓalǝ agir mana à nda aɓa sǝmbǝrǝa pur a tita ɓanza ka.”

Matiu 2:15

Akano sǝ kya do ba lú mala Hirǝdus. Mǝnia ka yi lumsǝ cau mala Mǝtalabangŋo mana pur a kun mǝɓangna male ama, “Aɓa nzali Masar sǝ ǝn tunǝ munem.”

Matiu 2:23

Nda à wario à kya do a ɓekǝ la mǝnana à tunǝki ama Nazarat ka. Mǝnia ka nda lumsǝ cau mala amǝ'ɓangna mala Ɓakuli mana ama, “À nǝ̀ tunǝi ama ɓwa Nazarat.”

Matiu 5:17

Wu kǝa twali ama ǝn yiu ace tamsǝ Nggurcau mala Musa andǝ kanigir mala amǝ'ɓangna mala Ɓakuli ɗang; ǝn yiu ace tamsǝia ɗang. Nda ace lumsǝia.

Matiu 8:17

Yesu pak mǝnia yì gir ka ace mǝnana ɓǝa lumsǝ ɓangna mala Ishaya mǝnana ama: “Yi ak arǝpangŋa ma'sǝm sǝ twal akwano ma'sǝm.”

Luka 21:22

Acemǝnana mǝnia yì pwari ka mala mbweban nutanni na, ace lumsǝ agir mǝnana kat à gilǝì aɓa Malǝmce mala Ɓakuli ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 10:35

Wu sǝlǝna ama cau mǝnana Malǝmce bang ngga makgir pà a rǝì ɗang, camǝna anggo pà nǝ̀ nggaɗi ɗang. Sǝ ɓǝa aɓwana mǝno à ak cau mǝno, à tunǝia ama “aɓakuli” ka,

Yohana 15:25

Mǝnia ka nda yi lumsǝ gir mǝnana à gilǝì aɓa Malǝmce mala Ɓakuli ama: “À ɓinǝ mǝsǝam ɓà, tǝri pà kàm ɗang.”

Yohana 17:12

A do mem sǝnǝia ka, ǝn yalia, sǝ ǝn bwalia nǝ rǝcandǝa mala lùllǝo mǝnana a pam ngga. Kǝ ɓe ɓwàr atea ɗang, she kǝ yì ɓwa mǝnana dupi ká kìɗìkì ka, acemǝnana cau mo mana à gilǝì aɓa Malǝmce ka, ɓǝ̀ lumsǝo.

Yohana 18:9

Mǝnia ka pa anggo ace mǝnana cau mana pur a kuni ka ɓǝ̀ lumsǝo, mǝnana ama, “Dâ, aɓalǝ aɓwana mǝnana a pam ngga, ǝn turta kǝɓwa mwashat ɗang.”

Amǝ Mishan 3:18

Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka.

Amǝ Roma 1:2

Ɓakuli pacau ace mǝnia yì Cau Amsǝban ngga, ɓara-ɓara nǝban amǝ'ɓangna male aɓa Malǝmce Mǝfele.

Sǝna 17:17

À nǝ̀ pa anggo, acemǝnana Ɓakuli tsǝngŋǝna kani male a ɓabumia, kani male mǝnana à nǝ̀ pak nggearǝ gir mǝnana ɓabumi earkiyi ce ka. À nǝ̀ kpapi muria, à nǝ̀ pe nyamɓikea garamurǝm malea. Aɓa pe mǝno anggo ka, cau mǝnana Ɓakuli bang ngga nǝ̀ yia lumsǝo.