Markus 7:2 - Maləmce Məfele mala Ɓakuli: Kurcau Məbəshe

² À sǝn aɓea alaggana mala Yesu ka, à kǝ lili nǝ abu mǝ pǝndǝke. Lǝmndǝ ama à lak abuia ɗang.

Markus 7:2 ပူးပေါင်းရင်းမြစ်များ

Matiu 15:2

“Mana tsǝa sǝ alaggana mo kǝ yàl nzongcau mala aká sǝm? À kǝ̀ lak buia sǝ à nǝ̀ lili ɗang!”

Markus 7:5

Nda amǝ Farisi andǝ amalǝm Nggurcau mala Musa ɗi Yesu ama, “Palang sǝ alaggana mo ka à kǝ kpata kuncau mana aká sǝm nyingga sǝm ngga ɗang? A kǝ lili nǝ abu mǝpǝndǝke.”

Luka 11:38

Lang ɓwa Farisi sǝn Yesu tita li girlina sǝ lak bui kǝla mǝnana nggurcau malea bang raka, kara ndali kǝrkǝr nǝ mani.

Amǝ Mishan 10:28

Pǝlǝa nea wia ama, “Wun ngga wu sǝlǝna ama, nggurcau ma'sǝm eare ama ɓwa Yahudi ɓǝ̀ kutio a ɓala mala aɓwana mana amǝ Yahudi na raka, ko ɓǝ̀ kǝgir dapia ɗang. Sǝ Ɓakuli lǝmndǝam ama, mǝ ngga tunǝ kǝɓwa ama ɓwa mǝɓane ko mǝɓeami ka ɗang.

Amǝ Mishan 11:8

Sǝ ǝn na nǝma, “Pa nǝ̀ pa anggo ɗang, Mǝtalabangŋo! Acemǝnana kǝ girlina mǝɓeami ko mana Nggurcau nyesǝi mǝpǝndǝke na ka malaká kutia kunam ɗang.”

Amǝ Roma 14:14

Tārú mem sǝnǝ Mǝtalabangŋo Yesu ka, ǝn yi sǝlǝa, sǝ ǝn earǝna ama, kǝ girlina pa kàm mǝnana mǝɓane na nǝ ɓamuri ka ɗang; sǝa ma ɓǝ̀ ɓwa sǝni sǝ na ama girlina ka ɓoaro ɓǝ̀ li raka, abani ka dumǝna mǝɓane.

Amǝ Ibǝru 10:29

Sǝ mala ɓwa mǝnana ɓǝsǝki Muna mala Ɓakuli, parki a ɓakusǝi, sǝ nyesǝ ce nkila male ɓà, kǝla gir mǝfele na raka, ɓashi male nǝ̀ ɓiki pa kǝrkǝr. Acemǝnana mǝnia yì nkila ka nda nkila mala kurcau mǝnana panzǝi aɓalǝ acauɓikea male ɓǝ̀ duk mala Ɓakuli ka. Sǝ ɗǝm ngga ɓǝ̀ mǝno yì ɓwa ka sanggi Bangŋo Mǝfele mǝnana kǝ yinǝ ɓwamuru mala Ɓakuli amur sǝm ngga, ɓashi mǝnana nǝ̀ sulǝo amuri ka, nǝ̀ ɓiki pa kǝrkǝr.

Sǝna 21:27

À pà nǝ̀ eare ɓe kǝgir ɓeami ɓǝ̀ kuti kam ɗang. Sǝ kǝɓwa pà kàm gbal mǝnana mǝ pakki agir kǝsǝkya na, ko mǝ ɗwanyi came amur mǝsǝcau na ka, nǝ̀ kuti kano ɗang; she kǝ aɓwana mǝnana lullǝia na kam à gilǝnia aɓa Malǝmce Yilǝmu mala Mǝgam ngga.