Markus 3:3 - Maləmce Məfele mala Ɓakuli: Kurcau Məbəshe

³ Yesu ne ɓwa mǝnana bui wu ka ama, “Lo, yiu yi cam kani a ɓadǝm aɓwana.”

Markus 3:3 ပူးပေါင်းရင်းမြစ်များ

Matiu 12:10

Ɓe ɓwabura mǝnana ɓe bui wu ka ndakam abanì. Amǝ Farisi ka, à ndarǝ alta njar à nǝ̀ kum mǝɓane mǝnana à nǝ̀ na arǝ Yesu ka. Pǝlǝa à ɗi ama, “Nggearǝì ka, Nggurcau ma'sǝm eare ama ɓǝa twalban rǝkwana a pwari Sabbat le?”

Markus 3:2

Amǝ Farisi, kúndǝo à nǝ̀ sǝni ko nǝ̀ twalban rǝkwana a pwari Sabbat, pwari usǝlǝo mala amǝ Yahudi. Ace mǝnana à nǝ̀ kum cau mǝnana, à nǝ̀ bwali nǝi ka.

Markus 3:4

Yesu pǝlǝa ɗi aɓwana ama, “Mǝ ye na nggurcau eare ɓǝa pe a pwari Sabbat, ɓǝa pak mǝɓoarne le ko ɓǝa pak mǝɓane? Ɓǝa amsǝ yilǝmu le ko ɓǝa kiɗiki?” Kara à duk kunia piu.

Luka 6:8

Sǝ Yesu ka surǝna rǝ ɗenyicau malea, pǝlǝa ne mǝbuwuna ama, “Lo, yiu cam a ɓadǝm ɓwapǝndǝa kat.” Nda lo came abanì.

Yohana 9:4

Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

Amǝ Galati 6:9

Ace mani ka, ɓǝ̀ sǝm ngga aulǝ nǝ pak gir mǝnana mǝɓoarne na ka ɗang. Ɓǝ̀ pwari yi karǝna ka, sǝm nǝ̀ ngga kum tangnakusǝu mǝɓafoe, yì mǝnana ɓǝ̀ aulǝa pa ka sǝm, sǝm bwaki bu sǝm raka.

Amǝ Filipi 1:14

Sǝ ace kuro mǝnana à kùrram a ndàkurban ngga, bangula amǝ'eamrǝarǝu mǝnana akani ka, à kum ɓabumcandǝa sǝ à bang cau mala Ɓakuli nǝ rǝcandǝa, ɓangciu pà kàm ɗang.

1 Bitǝrus 4:1

Sǝ acemǝnana Kǝrǝsti nu tanni aɓa nggūrǝu ka, wu twal ulang mǝno yì ɓealǝu ka, wu gilǝ rǝwun ace tanni kǝla male; acemǝnana ɓwa mana kat tanni a nggūrǝu ka, malǝna nǝ cauɓikea.