Markus 3:2 - Maləmce Məfele mala Ɓakuli: Kurcau Məbəshe

² Amǝ Farisi, kúndǝo à nǝ̀ sǝni ko nǝ̀ twalban rǝkwana a pwari Sabbat, pwari usǝlǝo mala amǝ Yahudi. Ace mǝnana à nǝ̀ kum cau mǝnana, à nǝ̀ bwali nǝi ka.

Markus 3:2 ပူးပေါင်းရင်းမြစ်များ

Matiu 12:10

Ɓe ɓwabura mǝnana ɓe bui wu ka ndakam abanì. Amǝ Farisi ka, à ndarǝ alta njar à nǝ̀ kum mǝɓane mǝnana à nǝ̀ na arǝ Yesu ka. Pǝlǝa à ɗi ama, “Nggearǝì ka, Nggurcau ma'sǝm eare ama ɓǝa twalban rǝkwana a pwari Sabbat le?”

Markus 3:3

Yesu ne ɓwa mǝnana bui wu ka ama, “Lo, yiu yi cam kani a ɓadǝm aɓwana.”

Luka 14:1

Aɓe Sabbat, pwari usǝlǝo mala amǝ Yahudi ka, Yesu kutio aban lili a ɓala mala ɓe ɓwamǝgule Farisi. Kara aɓwana tsǝki wi mǝsǝu.

Luka 20:20

Aɓiamǝbura tsǝki wi mǝsǝu, pǝlǝa à tasǝ amǝ'iucau, mǝnana à lǝmndǝa kǝla amǝ'mǝsǝcau na ka. A ɗenyicau malea ka à nǝ̀ bwal Yesu aɓa cau mǝnana pur a kuni ka, sǝ à nǝ̀ ká nǝi a ɓabu mǝtala-nzali, yì nggwamna mala amǝ Roma.

Luka 6:7

Amǝ Farisi andǝ amalǝm Nggurcau mala Musa camarǝ alta cau mǝnana à nǝ̀ tsǝki Yesu a rǝì ka. À tsǝki wi mǝsǝu à nǝ̀ sǝni ko nǝ̀ twalban rǝkwana a pwari Sabbat, pwari usǝlǝo.

Yohana 8:6

Cau mǝnia à ne ka, gbǝli na à dambi Yesu ka, acemǝnana ɓǝ̀ na ɓe kǝ cau sǝ à nǝ̀ bwali nǝi ka. Sǝ Yesu ka kūndǝo kǝ gilǝgir a nzali nǝ munabui.

Yohana 9:16

Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.” Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.