Markus 2:2 - Maləmce Məfele mala Ɓakuli: Kurcau Məbəshe

² Zuku ka ɓwabunda yiu yi lumsǝna ban kàngkàng, yi pur a kun ɓala, ko kǝ ban oasǝ kusǝu pa kàm ɗang. Lang Yesu na aban hambia wia nǝ cau mala Ɓakuli ka,

Markus 2:2 ပူးပေါင်းရင်းမြစ်များ

Matiu 5:2

sǝ tita kania wia gir ama:

Markus 1:14

Anzǝm mana à bwalǝna Yohana à oasǝni a ndàkurban ngga, Yesu o a nzali Galili, kǝ hamnǝ Cau Amsǝban mala Ɓakuli.

Markus 1:33

Ɓwapǝndǝa mana a la kat ka à dapi a kunɓala.

Markus 1:37

Lang à kya kumǝni ka, à ne wi ama, “Koyana le ka nda ban alto!”

Markus 1:45

Sǝa ma lang purna ka, kara tita mesǝ ce a koya ban ngga. Gir nî tsǝa Yesu gandǝ kutio a ɓe kǝ la a ɓamǝsǝ aɓwana ɗang, ak rǝì arǝ aban mǝnana kǝɓwa pà kàm raka. Kat andǝ amani ka, ɓwapǝndǝa pur a koya ban ngga aban yiu abani.

Markus 2:1

Anzǝm anongŋo bǝti ka, Yesu nyare a Kapanahum. Ceì akiban ama nyarǝna nda a ɓala.

Markus 2:13

Yesu nyare puro o a kun Nggeamur Galili. Ɓwabunda puro aban ká abani, pǝlǝa kania wia gir.

Markus 6:34

Lang Yesu nǝ̀ eapi waru ka, sǝn lakki mala ɓwapǝndǝa, mǝsǝswatǝr malea bwali kǝrkǝr, acemǝnana à nda kǝla anzur mǝnana yalgir pa atea raka. Pǝlǝa tita kania wia agir pas.

Luka 12:1

Anggo ka, lang ɓwabunda mǝnana lakki malea na á-pas à yì ramǝna aban Yesu gandǝa à kǝ parki rǝarǝia ka, Yesu tita na cau peatu nǝ alaggana male ama: Wu par kir wun arǝ yis mala amǝ Farisi. Mǝ nda ban na cau amur kúnɓárína malea.

Luka 5:17

Ɓe pwari mwashat Yesu ka nda ban kanigir, amǝ Farisi andǝ amalǝm Nggurcau mala Musa mǝnana à purkio arǝ amuna-là ɗàngɗáng aɓalǝ abu-nzali Galili andǝ Yahudi, andǝ Urǝshalima ka, à ndakam aban do. Sǝ Bangŋo mala Ɓakuli ka nda te ace sonzǝ amǝ rǝkwana.

Luka 8:1

Tu anzǝm man ngga Yesu gya arǝ ala mǝgulke andǝ amuna-là ɗàngɗáng aban hamnǝ Cau Amsǝban mala Domurǝm mala Ɓakuli. Alaggana male man lum-nong-ɓari ka, à nda ate.

Luka 8:11

Mǝnia ka ndà ɓa man yì kanicau: Mǝsǝɓeale ka nda cau mala Ɓakuli.

Amǝ Mishan 11:19

Aɓea amǝkwaɗi mǝnana pàtanni mesǝkea anzǝm lú mala Itǝfanu ka, à gali à kya bwal bareban Fonishiya, andǝ Luran Sayipǝrus, andǝ nggeala Antiyok aɓa bu-nzali Suriya. À kǝ hamnǝ Cau Amsǝban, sǝ kǝ amǝ Yahudi na nǝmurǝia à hambia wia ka.

Amǝ Mishan 14:25

À yì hamnǝ Cau Amsǝban a Parga, pǝlǝa à sulǝo aban ká Ataliya.

Amǝ Mishan 16:6

Bulǝs andǝ aɓi amǝgya à o arǝ abu-nzali Firigiya andǝ Galati, acemǝnana Bangŋo Mǝfele earia wia ama ɓǝa hamnǝ cau a bu-nzali Asiya ɗang.

Amǝ Mishan 8:25

Anzǝm mana Bitǝrus andǝ Yohana bangŋǝna cau mǝnana à surǝì amur Yesu, sǝ à hamǝna nǝ cau mala Mǝtalabangŋo ka, à nyare a Urǝshalima. Amur njar aban o ka, à camarǝ hamnǝ Cau Amsǝban arǝ amuna-là mala amǝ Samariya pas.

Amǝ Roma 10:8

Cau mala Amsǝban mǝnana à nǝ̀ kumi nǝ guli arǝ Kǝrǝsti, mana nda cau mǝnana sǝm nggǝ hamnǝi ka, pa kuko ɗang. Yale Malǝmce mala Ɓakuli ka bangŋa ama: “Ceì ka nda abano tù, nda a mburkuno, sǝ nda a ɓabumo.”

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.