Luka 9:60 - Maləmce Məfele mala Ɓakuli: Kurcau Məbəshe

⁶⁰ Yesu ne wi ama, “Ɗeki alú ɓǝa tsǝk alú malea, sǝ we ka kyane kya hamnǝ Domurǝm mala Ɓakuli.”

Luka 9:60 ပူးပေါင်းရင်းမြစ်များ

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Matiu 8:22

Sǝ Yesu ne wi ama, “Nying alú ɓǝa tsǝk alú malea, sǝ we ka kpatam.”

Luka 15:24

Acemǝnana mǝnia yì muna-ɓwabura mem ngga wú, sǝ lo; ɓwaro, sǝ à kumi.” Pǝlǝa à tita pakiɗire.

Luka 15:32

Ɓoaro ɓǝ̀ sǝm pak banɓoarnado andǝ bumpwasǝa, acemǝnana mǝnia yì mǝ'kyauweo ka wú, sǝ adyan ngga longŋǝna nǝ amǝsǝì; ɓwaro, sǝ à kumǝni.”

1 Amǝ Korinti 9:16

Kat andǝ amani ka, pà mǝ nǝ jali ace hamnǝ Cau Amsǝban ɗang, acemǝnana dumǝnam púp ɓǝ̀ ǝn hamnǝi. Ɓǝ̀ ǝn hamnǝ Cau Amsǝban raka, mǝ nda aɓa ká gir'murmwana!

Amǝ Afisu 2:1

Ɗiɗyal ka, wu nda ka alú ace mgbikiru andǝ acauɓikea ma'wun.

Amǝ Afisu 2:5

nda gir nî sǝ kat andǝ wú mǝnana sǝm wu aɓalǝ acauɓikea ma'sǝm ngga, yi pa sǝm yilǝmu nǝ loasǝo mǝnana loasǝ Kǝrǝsti a ɓembe ka. Kǝ ɓwamuru mala Ɓakuli na nǝmurǝì amsǝ wun ngga.

1 Timoti 5:6

Sǝ man-lú mǝnana ɗwanyi bwalrǝu a do male, kǝ gyata pè ɓamuri banɓoarnado ka, wuna aɓa bangŋo, kat andǝ amani ama nda andǝ amǝsǝì a nggūrǝu ka.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.