Luka 9:56 - Maləmce Məfele mala Ɓakuli: Kurcau Məbəshe

⁵⁶ Pǝlǝa à kutio à o a ɓe muna-la.

Luka 9:56 ပူးပေါင်းရင်းမြစ်များ

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Matiu 18:11

[Muna mala Ɓwa yiu ace amsǝ aɓwana mǝnana à ɓwarki tanjar ka.]

Matiu 20:28

Nda kǝla Muna mala Ɓwa, mǝnana yiu ace dumsǝ aɓwana aguro raka. Yiu ace duk guro sǝ nǝ̀ pa yilǝmi ace amsǝ aɓwana pas.”

Matiu 5:39

Sǝ mim ngga ǝn nggǝ na wun ama, kǝa nyesǝ mǝɓane a kun mǝɓane mǝnana à pakko ka ɗang. Ɓǝ̀ ɓwa kweo a takiro mǝli ka, pǝlǝi wi ɓe takiro.

Luka 19:10

Muna mala Ɓwa ka, yiu àkǝ̀ ce alta gir mǝnana ɓwàr ka, nǝ̀ amsǝi.”

Luka 22:51

Pǝlǝa Yesu na ama, “Ɓǝ̀ go anggo!” Pǝlǝa je kir ɓwabure, twali wi banì.

Luka 23:34

Pǝlǝa Yesu na ama, “Dâ, twalia wia banì, acemǝnana à surǝ gir mana à pakki ka ɗang.” Pǝlǝa à ko caca amur agir-nggurǝu male, à gakia rǝia.

Luka 9:55

Yesu pǝlǝ rǝì sà arǝ Jemis andǝ Yohana.

Luka 9:57

À nda ban ká a njargula ka, ɓeɓwa ne Yesu ama, “Mǝ nǝ kpato ko ayaban a nǝ ká kam ngga.”

Yohana 10:10

Mǝn'i ka kǝ yiu ace iun'i, ace wal-lú, andǝ kiɗiki gir. Sǝ mim ngga ǝn yiu ace pea aɓwana yilǝmu, andǝ do mǝɓoarne mǝnana lumsǝ a koya njari ka.

Yohana 12:47

Ɓwa mǝnana kat ok kanigir mem, sǝ kpate raka, mǝ nda mǝ nǝ ɓashi wi ka ɗang. Pa ace ɓashi sǝ ǝn yiu a ɓanza ɗang, ǝn yiu ace amsǝ ɓanza.

Yohana 3:17

Ɓakuli tasǝ Muni ɓǝ̀ yì ɓashì ɓanza ɗang, tasǝì ɓǝ̀ yì amsǝ ɓanza.

Amǝ Roma 12:21

Wu kǝa eari ɓealɓikea ɓǝ̀ li murǝm amur wun ɗang, wu li murǝm amur ɓealɓikea nǝ pemǝɓoarne.

1 Timoti 1:15

Mǝnia ka nda ne mǝ'mǝsǝcau nì, mǝnana koyana ka, ɓǝ̀ earnǝ ce ka, ama “Kǝrǝsti Yesu ka, yiu aɓa ɓanza ace amsǝ amǝ'cauɓikea,” sǝ mǝ nda mana ǝn karmur aɓwana kat nǝ cauɓikea ka.