Luka 9:48 - Maləmce Məfele mala Ɓakuli: Kurcau Məbəshe

⁴⁸ sǝ nea wia ama, “Koyana sǝ ɓǝ̀ ak muna kǝla mǝnia ace lullǝam ngga, angŋǝnam, sǝ ɓwa mǝnana em ngga, angŋǝna Tárram mǝnana tasǝam ngga. Ɓwa mǝnana kutibanì kat a nongsǝmuru aɓalǝ wun ngga, nda ɓwamǝgule ma'wun kat.”

Luka 9:48 ပူးပေါင်းရင်းမြစ်များ

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Matiu 18:14

Anggo gbal sǝ Tar wun mǝnana a kuli ka eare ama ɓǝ̀ mwashat ata amǝkeke mǝnia ka ɓǝ̀ ɓwàr raka.

Matiu 19:28

Yesu nea wia ama: Ən nggǝ na wun mǝsǝcau, a pwari mana bǝsa ɓanza nǝ̀ yiu ka, Muna mala Ɓwa nǝ̀ do a bunomurǝm mǝɓoarɓwe male. Sǝ wun mǝnana wu kǝ kpatam ngga, wu nǝ̀ do amur abuno-murǝm lum-nong-ɓari gbal. Wu nǝ̀ pakki atau mala amǝ Isǝrayila lum-nong-ɓari ɓashi.

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 25:45

Yì ka, nǝ̀ earia wia ama, “Ɓafo, ǝn nggǝ bangga wun, gir mana kat wu ginǝ pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu ginǝ pakkam ngga.”

Markus 9:37

“Ɓwa mǝnana ak muna kǝla mǝnia aɓa lullǝam ngga, Mǝ nda akiyiam ngga. Sǝ ɓwa mǝnana em ngga, Mǝ nda akiyiam nǝmurǝam ngga ɗang, nda ban ak Tárram mǝnana tasǝam ngga.”

Luka 10:16

Wun amǝ kpatam, ɓwa mǝnana kwaki kiri arǝ wun ngga, nda ban kwaki kiri a rǝam, ɓwa mǝnana ginǝ wun ngga, ginǝnam, sǝ ɓwa mǝnana ginǝam ngga, ginǝna Tárram mǝnana tasǝam ngga.

Luka 14:11

Acemǝnana koya ɓwa na mana twal ɓamuri ka, à nǝ̀ nyesǝi ɓà, sǝ ɓwa mǝnana nongsǝ ɓamuri ka, à nǝ̀ gusǝlǝi.

Luka 22:26

Sǝ wun ngga, anggo sǝ wu nǝ̀ pak ɗang. Ma'wun ngga, ɓwa mǝnana gula wun kat ka nda nǝ̀ dupa wun kǝla muna kat ka, gbani gbal ka nda rítǎu.

Luka 22:30

Wu nǝ̀ li sǝ wu nǝ̀ nu atam a Domurǝm mem, sǝ wu nǝ̀ do amur abuno-murǝm aban ɓashia atau mala Amǝ Isǝrayila mǝnia lum-nong-ɓari ka.

Luka 7:28

Ən nggǝ na wun, aɓalǝ aɓwana mǝnana kat à ɓǝlia a ɓanza man ngga, kǝɓwa pà kàm kuti Yohana nǝ gulo ɗang. Sǝa ma ɓwa mǝnana nda mǝkyauwe kat aɓata Domurǝm mala Ɓakuli ka ndanǝ gulo kuti.”

Yohana 13:20

Sǝ mǝ nda ban bangga wun mǝsǝcau: ɓwa mana kat ak ɓwa mǝnana ǝn turi ka, mǝ nda akiyiam gbal ka, sǝ ɓwa mana kat em ngga, nda rǝ ak Tárram mǝnana tasǝam ngga.

Yohana 14:21

Ɓwa mǝnana kat ak anzongcau mem sǝ kǝ kpatea ka, nda ɓwa mǝnana kǝ earcem ngga. Sǝ ɓwa mǝnana kǝ earcem ngga, Tárram nǝ̀ earce ɓwe, sǝ mim gbal ka mǝ nǝ earce, mǝ nǝ lǝmndǝ ɓamuram abani.

1 Amǝ Tasalonika 4:8

Ace mani ka, ɓwa mǝnana kat ɓinǝ mǝnia yì kanigir ka, pa aban ɓinǝ nzongcau mala ɓwapǝndǝa ɗang, nzongcau mala Ɓakuli na ɓinǝkiyi ka, yì mǝnana kǝ pa wun Bangŋo Mǝfele male ka.

1 Bitǝrus 5:6

Ace mani ka, wu nyesǝ mur wun aɓata rǝcandǝa mǝgule mala Ɓakuli, sǝ ɓǝ̀ pwari male karǝ ka, nǝ̀ loasǝ wun a kuli.

Sǝna 21:14

Yì sheran mala nggeala ka, à kwakite amur akusǝɓa lum-nong-ɓari mǝnana à nongsǝia amur rǝarǝia ka. Arǝ koya kusǝɓa ka à gilǝ lullǝ mwashat ata amǝ'mishan lum-nong-ɓari mala Mǝgam.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.