Luka 9:47 - Maləmce Məfele mala Ɓakuli: Kurcau Məbəshe

⁴⁷ Yesu surǝna ɗenyicau malea, pǝlǝa loasǝ ɓe muna tamsǝi a nkanggari,

Luka 9:47 ပူးပေါင်းရင်းမြစ်များ

Matiu 12:15

Yesu yi sǝlǝia wia ka, pǝlǝa nying banì. Aɓwana pas o ate. Amǝkwano mǝnana aɓalǝia ka, Yesu yi twalia wia ban arǝkwana malea kat.

Matiu 9:4

Acemǝnana Yesu surǝ na rǝ ɗenyicau malea ka, banggia wia ama, “Palang sǝ wu kǝ pak ɗenyicau mǝɓane a ɓabum wun anggo?

Luka 5:22

Yesu surǝ ɗenyicau malea pǝlǝa ɗia ma, “Ace mana sǝ wu kǝ ɗikiban a ɓabum wun amur man yì cau ka?

Yohana 16:30

Adyan ngga sǝm sǝlǝna ama we ka a surǝ agir kat, ɓwa pà nǝ̀ na ama nǝ̀ ɗio kǝ cau ɗang. Ace mǝno ka sǝm earǝna ama we ka a pur nǝban Ɓakuli.”

Yohana 2:25

Yesu pà aban alte ɓǝ̀ kǝɓwa ɓǝ̀ ne wi cau amur ɓwapǝndǝa ɗang, acemǝnana yì nǝ ɓamuri ka surǝna rǝ ɓabum ɓwapǝndǝa.

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

1 Amǝ Korinti 14:20

Wun amǝ'eamrǝarǝu, wu kǝa pǝlǝ amuntulo aɓa ɗenyicau ma'wun amur surǝ amǝnia yì agir ka ɗang. Wu duk amuntulo arǝ ɓealɓikea, sǝ wu gul aɓa ɗenyicau ma'wun.

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.