Luka 9:39 - Maləmce Məfele mala Ɓakuli: Kurcau Məbəshe

³⁹ Ɓe bangŋo mǝɓane kǝ lo à rǝì, sǝ kǝ ci kǝ yasǝlǝban nǝ mak zwalo bang-bang. Kǝ turi aɓa dǝurǝki rǝì wak gandǝa ntara nǝ̀ gupi a kuni. Kani lo a rǝì anggo, pà nǝ̀ eare nǝ̀ nyi ɗang she ɓǝ̀ sokkina te pà nî tanni kǝ̀rkǝ́r ka.

Luka 9:39 ပူးပေါင်းရင်းမြစ်များ

Markus 9:18

Ɓǝ̀ loarǝi ka, nǝ̀ me a nzali, ntara nǝ̀ gupi a kuni, nǝ̀ nggǝ go minǝì, sǝ nǝ̀ shiuri kwanggong. Nda ǝn ne alaggana mo nǝma ɓǝa pusǝì sǝ à gandǝi ɗang.”

Markus 9:20

À pǝlǝa à yiu nǝ muna. Lang kukwar nǝ̀ sǝn Yesu ka, kara kàr muna dǝkǝrǝki kǝ̀rkǝ́r, turi a nzali. Muna camarǝ ɗǝnggǝliki, ntara kǝ gupi a kuni.

Markus 9:26

Kukwar mak'zwalo, pūrǝki muna wak, sǝ puri nyami. Muna nong kpoklyak, kǝla wu nǝ wú, gandǝa aɓea aɓwana bangŋa ama, “Wuna!”

Luka 4:35

Yesu sà a rǝì ama, “Gir kuno piu! Puri rǝì!” Pǝlǝa kukwar loasǝi me a nzali a ɓadǝm ɓwapǝndǝa kat, pǝlǝa puri rǝì, tsǝki wi pengye ɗang.

Luka 8:29

Ne anggo acemǝnana Yesu angŋǝna dǝmbǝa sàrǝ̀nà amǝnia yì akukwar ka ɓǝa purî rǝ mǝnia yì ɓwa ka. Kusǝ pas ka abangŋo mǝɓane man kǝ lo a rǝì. Sǝ kat andǝ amani ama aɓwana nǝ̀ taka akusǝi andǝ abui nǝ anko andǝ ansolo, sǝ à nǝ̀ tamsǝ aɓwana ɓǝa yallí ka, nǝ̀ kasǝki ansolo, nǝ̀ ɓunggia anko. Pǝlǝa akukwar nǝ̀ um nǝi a ɓabondo.

Luka 9:38

Ɓe ɓwa aɓa ɓwabunda loasǝ gi ama, “Malǝm! Ən nggǝ zǝmbǝo, ɓwamur munem, kǝ̀ nda kǝ̀ munem mwashat!

Luka 9:40

Ən zǝmbǝi alaggana mo ɓǝa pusǝì, sǝ à gandǝi ɗang.”

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

Sǝna 9:11

Murǝm malea ka nda mǝturonjar mala tuli-tàtǝkǝtè. Lullǝi nǝ kun Ibǝru ka nda Abbadon, sǝ nǝ kun Gǝrik ka nda Apoliyon, Mǝkiɗikiban.