Luka 9:30 - Maləmce Məfele mala Ɓakuli: Kurcau Məbəshe

³⁰ Kara aɓwana ɓari, Musa andǝ Iliya yiu, à kǝ na cau nǝi.

Luka 9:30 ပူးပေါင်းရင်းမြစ်များ

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Luka 24:27

Pǝlǝa tite nǝ Nggurcau mala Musa andǝ Kanigir mala amǝ'ɓangna mala Ɓakuli kat, bǝlkia wia ɓalǝ acau mǝnana à gilǝia aɓalǝ Amalǝmce amuri ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Luka 9:19

À eari wi ama, “Aɓea ɓwana ama a nda Yohana Mǝbatisǝma, aɓea ka ama a nda Iliya, mǝɓangna mala Ɓakuli, sǝ aɓea ka ama a nda ɓe mǝɓangna mala Ɓakuli ata mǝnana a pwaryan ngga, mǝnana nyare yiu nǝ yilǝmu ka.”

Luka 9:29

Lang nda rǝ pak hiwi ka, ɓamǝsǝi twalo nggaɗi, sǝ agir-nggurǝu male ka à pwasǝ tyal-tyal, kǝla tǎlaban mala linzama.

Luka 9:31

À pusǝ rǝia aɓa ɓoarɓwa mala kuli, aban na cau andǝ Yesu. À bang cau amur lú male, mǝnana nǝ̀ yia lumsǝo a Urǝshalima ka.

Yohana 1:17

Ɓakuli pa sǝm Nggurcau nǝ bu Musa, sǝ nǝ bu Yesu Kǝrǝsti sǝ pa sǝm ɓwamuru andǝ mǝsǝcau.