Luka 9:11 - Maləmce Məfele mala Ɓakuli: Kurcau Məbəshe

¹¹ Ɓwabunda ok ce, kara à pwan rǝia à o ate. Yesu gingsǝia, sǝ nea wia cau amur Domurǝm mala Ɓakuli, sǝ aɓwana mǝnana à yiu sǝ à nda aɓa rǝkwana ka, twalia wia ban arǝkwana malea.

Luka 9:11 ပူးပေါင်းရင်းမြစ်များ

Matiu 12:15

Yesu yi sǝlǝia wia ka, pǝlǝa nying banì. Aɓwana pas o ate. Amǝkwano mǝnana aɓalǝia ka, Yesu yi twalia wia ban arǝkwana malea kat.

Matiu 14:14

Yesu yi kpashi, nǝ̀ eapi waru ka sǝn ɓwabunda kǝrkǝr aban rambǝa. Mǝsǝswatǝr malea pakki wi pǝlǝa twalia amǝkwano mana aɓalǝia ka ban arǝkwana malea.

Matiu 21:31

“Aɓalǝ amuna mǝnia ɓari ka yana pak gir mǝnana tarrí earce ka?” Pǝlǝa à eari Yesu ama mǝdǝmbǝa na. Yesu pǝlǝa nea wia ama: Ən nggǝ bangga wun mǝsǝcau, amǝ'aki aboalo-cemi aɓa ɓǝmbǝriban andǝ aman-gung à nǝ̀ aka wun dǝmbǝa kutio a Domurǝm mala Ɓakuli.

Matiu 21:43

“Sǝ ǝn nggǝ na wun ama Domurǝm mala Ɓakuli ka à nǝ̀ é arǝ wun à nǝ̀ pe aɓwana mǝnana à nǝ̀ pak gir mana Ɓakuli earkiyice ka.

Luka 1:53

Amǝ'nzala ka ɗǝmsǝnia nǝ agir mǝɓoarne, sǝ amǝkume ka tasǝna takwaria ɓǝa o nǝ ɓabuia.

Luka 5:31

Yesu earia wia ama, “Aɓwana mǝnana rǝia bang ngga à alkiyita mǝsonzǝo ɗang, amǝ rǝkwana na à alkiyita mǝsonzǝo ka.

Luka 8:1

Tu anzǝm man ngga Yesu gya arǝ ala mǝgulke andǝ amuna-là ɗàngɗáng aban hamnǝ Cau Amsǝban mala Domurǝm mala Ɓakuli. Alaggana male man lum-nong-ɓari ka, à nda ate.

Luka 8:10

Pǝlǝa nea wia ama: Wun ngga à pana wun surǝ gir ɓa sǝmbǝrǝa mala Domurǝm mala Ɓakuli. Sǝ mala acili aɓwana ka, ǝn nggǝ nea wia nǝ kanicau ace mǝnana ɓǝa lumsǝ cau ɓa Malǝmce mǝnana ama: “À nǝ̀ sǝnban, sǝ à pà nǝ̀ sǝn kǝgir ɗang; À nǝ̀ okban, sǝ ce pà nǝ̀ kpakia wia ɗang.”

Luka 9:10

Lang amǝ'mishan nyarǝna ka, à yì banggi Yesu agir kat mǝnana à pak ka. Pǝlǝa umia, yia nǝmurǝia, a ɓe la mǝnana à kǝ tunǝi ama Beseda ka.

Luka 9:12

Lang pwari mala nǝ̀ kpa ka, alaggana mala Yesu man lum-nong-ɓari ka, à sung abani à yì ne wi ama, “Ɗeki ɓwabunda ɓǝa o arǝ amuna-là, ɓǝa kya alta girlina andǝ ban nongŋo, acemǝnana ban mǝnia sǝm ndakam ngga ɓabondo na.”

Luka 9:2

Pǝlǝa tasǝia ɓǝa kya hamnǝ ce Domurǝm mala Ɓakuli, sǝ ɓǝa twali aɓwana ban rǝkwana.

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Amǝ Mishan 28:31

Kǝ hamnǝ cau mala Domurǝm mala Ɓakuli sǝ kǝ kanigir amur Mǝtalabangŋo Yesu Kǝrǝsti. Kǝ na cau nǝ rǝcandǝa kat, ko ɓangciu pà a rǝì ɗang. Kǝ ɓwa tamsǝì ɗang.

Amǝ Roma 10:14

Sǝa ma lang sǝ à nǝ̀ tunǝi ɓǝ̀ amsǝia, yi mǝnana ɓǝa pa ɓamuria abani raka? Sǝ lang sǝ à nǝ̀ paɓamuria abani, yi mǝnana à malaká ok kǝcau amuri raka? Sǝ lang sǝ à nǝ̀ ok cau amuri, yi mǝnana kǝɓwa hambia wia ce raka?

Amǝ Roma 10:17

Ace mani ka, paɓamuru ka kǝ yiu aɓa ok cau mala Ɓakuli, yì Cau Amsǝban mala Kǝrǝsti mǝnana à hamnǝi ka.

Amǝ Roma 15:3

Ko nggearǝ Kǝrǝsti ka dukdo pwasǝbum ɓamuri ɗang. Kǝla mǝnana Malǝmce bang ngga, “Asangban mala aɓwana mǝnana à sangŋo ka, We Ɓakuli, à sulǝna a muram.”

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

Amǝ Ibǝru 4:16

Ace mani ka, ɓǝ̀ sǝm sungŋo, nǝ mǝsǝkang-kangŋa, aban bunomurǝm mala Ɓakuli mǝ'ɓwamuru. Abanì sǝ sǝm nǝ̀ kum sǝn-mǝsǝswatǝr, andǝ ɓwamuru mǝnana nǝ̀ bwala sǝm nggam, a pwari mǝnana kat sǝm nda aɓa tǝle ka.