Luka 8:3 - Maləmce Məfele mala Ɓakuli: Kurcau Məbəshe

³ andǝ Joana mālá Kuza, mǝnana kǝ ɗenyi nǝ ɓala mala Murǝm Hirǝdus ka, sǝ Suzana andǝ acilia pas. À kǝ pakki Yesu andǝ alaggana male gbasha nǝ girkuma malea.

Luka 8:3 ပူးပေါင်းရင်းမြစ်များ

Matiu 14:1

Aɓalǝ anonggeo mǝno ka Hirǝdus murǝm mala bu-nzali Galili ok cau amur Yesu.

Matiu 14:3

Hirǝdus angŋǝna dǝmbǝa bwalǝna Yohana kùrni sǝ oasǝni a ndàkurban. Kùrri ace Hirǝdiya mala Filip mǝ'eambǝi yì Hirǝdus.

Matiu 14:6

A pwari pakiɗire ɓǝlban mala Hirǝdus ka, nsari mala Hirǝdiya tánggwam mǝnana tsǝk Hirǝdus banɓoari wi kǝrkǝr,

Matiu 2:11

À nǝ̀ kutio a ɓala ka, à sǝn muna andǝ ngge Maryamu, sǝ à ɓun a ɓadǝmbǝi, à peri. Pǝlǝa à panzǝki agǝna malea sǝ à pe wi aɓoro zǝnariya, andǝ lubban andǝ mǝr.

Matiu 20:8

Lang pwari kpana ka, mǝtala ɓaban ne ɓwa mǝnana tsǝi ɓǝ̀ kǝ sǝnbi wi ɓaban ngga ama, “Tunǝ amǝturo, mbwea tangnakusǝia. Tite amur amǝ'nzǝmo sǝ wu kya mur amǝdǝmbǝa.”

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 26:11

Wu nda atarǝ wun wunǝ amǝtǝr ko a ya pwari ka, sǝ mim ngga pa mǝ nǝ pa ata wun ko a ya pwari ka ɗang.

Matiu 27:55

Amamǝna na abanì pas mana à pur a Galili sǝ à yiu ata Yesu ace ɗenyi nǝi ka. À cam zak à kǝ sǝn gir mǝnana kǝ pak kat ka.

Luka 24:10

À Maryamu Ɓwa Magdala, andǝ Joana, andǝ Maryamu nggea Jemis, andǝ aɓea amamǝna, à nda à yì banggi amǝ'mishan male ce ka.

Yohana 12:6

Yahuda ka bangŋa anggo, pà acemǝnana kǝ ɓuàce amǝtǝr ka ɗang, nda acemǝnana yì ka, mǝn'i na ka; sǝ acemǝnana yì nda mǝbwal ndaboalo mala alaggana mala Yesu ka, pak ka kǝ iu aɓa boale ace ɓamuri.

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

2 Amǝ Korinti 8:9

Wu sǝlǝna nǝ ɓwamuru mala Mǝtala sǝm Yesu Kǝrǝsti; mǝnana kat andǝ amani ama yì ka, mǝkume na ka, yi duk mǝtǝ̀r ace wun, ace mǝnana wun, aɓa dotǝ̀r male ka, ɓǝ̀ wu pǝlǝa amǝkume.

Amǝ Filipi 4:22

Aɓwana mala Ɓakuli kat kǝ makka wun kun, nggeamurǝmi ka amǝnana aɓa ɓala mala Kaisar ka.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.