Luka 8:28 - Maləmce Məfele mala Ɓakuli: Kurcau Məbəshe

²⁸ Lang nǝ̀ sǝn Yesu ka, kara mak zwalo bang-bang, yi kpa a ɓadǝmbǝi, loasǝ gi kǝrkǝr ama, “Mana ǝn pakko, Yesu, Muna mala Ɓakuli mana Karban kat ka? Ən nggǝ zǝmbǝo, kǝa pam tanni ɗang!”

Luka 8:28 ပူးပေါင်းရင်းမြစ်များ

Matiu 8:29

À loasǝ gia arǝ Yesu ama, “Mana a alkiyite a rǝ sǝm, we Muna mala Ɓakuli? A yiua pa sǝm tanni sǝ pwari malaká karǝ ɗang le?”

Luka 8:27

Lang Yesu nǝ̀ eauwe anza ka, kara ɓe ɓwabura nia, mǝnana nǝ́ akukwar a rǝì ka. Ɓwabure pur amǝno yì la ka. Ɓwabure ka banì sauwuna oasǝ agir-nggurǝu a rǝì ɗang, sǝ dukiyi a ɓala ɗang, akiyi rǝì aɓalǝ aɓembe.

Luka 8:29

Ne anggo acemǝnana Yesu angŋǝna dǝmbǝa sàrǝ̀nà amǝnia yì akukwar ka ɓǝa purî rǝ mǝnia yì ɓwa ka. Kusǝ pas ka abangŋo mǝɓane man kǝ lo a rǝì. Sǝ kat andǝ amani ama aɓwana nǝ̀ taka akusǝi andǝ abui nǝ anko andǝ ansolo, sǝ à nǝ̀ tamsǝ aɓwana ɓǝa yallí ka, nǝ̀ kasǝki ansolo, nǝ̀ ɓunggia anko. Pǝlǝa akukwar nǝ̀ um nǝi a ɓabondo.

Jemis 2:19

A ear ama Ɓakuli na mwashat; a pangŋa pepe. Sǝ ko nggearǝ akukwar gbal ka à earǝna nǝ mǝnia, sǝ rǝia kǝ ɓǝla ace ɓangciu.

2 Bitǝrus 2:4

Nggearǝ amǝturonjar mǝnana à pak cauɓikea ka, Ɓakuli sǝn mǝsǝswatǝr malea ɗang, ramtea aɓa nggea-tulibǝsa, kurkia kam aban mǝpǝndǝe mǝnana kǝlling-kǝlling ngga, she ɓǝ̀ pwari pak ɓashi pangŋǝna ka.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

Sǝna 20:10

Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.