Luka 8:18 - Maləmce Məfele mala Ɓakuli: Kurcau Məbəshe

¹⁸ Wu tsǝkiru arǝ gir mǝnana wu kǝ ok ka. Ɓwa mǝnana ndanǝi ka, à nǝ̀ tsǝki wi ɓe amuri. Sǝ ɓwa mǝnana pànǝi raka, ko mǝnana kǝ sǝni kǝla ndanǝi ka, à nǝ̀ é a rǝì.

Luka 8:18 ပူးပေါင်းရင်းမြစ်များ

Matiu 13:12

Aɓwana mana à kǝ kwaki kiria arǝ kanigir mem ngga à nǝ̀ pea wia ɓe sǝlǝ amur mǝnana à ndanǝi ka, sǝ à nǝ̀ kum surǝgir kpǝm. Sǝ aɓwana mana à kǝ kwaki kiria raka, kǝ mǝnana à ndanǝi ka à nǝ̀ é a rǝia.

Matiu 25:29

Ɓwa mana ndanǝi ka à nǝ̀ tsǝki wi ɓe amuri, sǝ nǝ̀ kum kpǝm. Sǝ ɓwa mana pa nǝi raka, nggearǝ mǝnana a bui bǝti ka à nǝ̀ é a rǝì.

Markus 13:14

A pwari mǝno ka ɓǝ̀ wu sǝna “yì gir mɓeami mǝnana nǝ̀ yinǝ pǝndǝkea mala Ndàperi, sǝ nǝ̀ tsǝa aɓwana nǝ̀ ginǝki kutio kam,” yi kutina camǝna aban mǝfele, ban mana ɓoaro ɓǝ̀ came abanì raka, mǝ ɓalgir ka ɓǝ̀ sǝlǝa! Aɓwana mana à ndanǝ do a nzali Yahudi ka, ɓǝa ɓangŋa ɓǝa o amur ankono.

Luka 19:26

Pǝlǝa eare ama, “Ən nggǝ na wun ama, ɓwa mǝnana ndanǝi ka, à nǝ̀ tsǝki ɓi amuri, sǝ ɓwa mǝnana pa nǝi raka, nggearǝ mǝno bǝti a bui ka à nǝ̀ é a rǝì.

Luka 9:44

“Wu kwaki kir wun arǝ cau mǝnana mǝ nǝ bangga wun ado ka: Muna mala Ɓwa ka à ndo à nǝ̀ me a ɓabu aɓwana amǝɓinǝ mǝsǝì.”

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Amǝ Mishan 10:33

Nda sǝ ǝn gbara ǝn turban a to ka, sǝ ndya gbal a pê pepè a yiu ka. Ado ka sǝm ndya kat sǝm nggǝ kundǝo a ɓadǝm Ɓakuli, sǝm nǝ̀ ak cau mana Mǝtalabangŋo no ama wu na sǝm ngga.

Amǝ Mishan 17:11

Amǝ Biriya ka ɓealǝia ɓoaro kuti mala amǝ Tasalonika, acemǝnana à akcau nǝ rǝɓǝla. À kǝ̀ bǝlki ɓa Malǝmce a koya pwari ka, ace mǝnana à nǝ̀ sǝni ko cau mana Bulǝs bang ngga, nda kǝ mǝsǝcau.

Amǝ Roma 12:3

Nǝ ɓwamuru mǝnana à pam ngga, ǝn nggǝ zǝmbǝi koyan ata wun ngga, ɓǝ̀ kǝa twal ɓamuri kǝrkǝr ɓǝ̀ kuti bancame male ɗang. Ɓǝ̀ ɗenyicau mala koya ɓwa ka, ɓǝ̀ karǝ arǝ paɓamuru male mǝnana Ɓakuli pe wi ka.

1 Amǝ Korinti 14:37

Ɓǝ̀ kǝ ɓwa kǝ sǝni kǝla yì ka, mǝ na gì Ɓakuli na, ko ndanǝ ɓe kǝ ɓoro mala Bangŋo ka, ɓǝ̀ sǝlǝ ama cau mǝnia ǝn gilǝa wun ngga, nzongcau na, pur nǝ ban Mǝtalabangŋo nǝ nggearǝì.

1 Amǝ Korinti 3:18

Ɓǝ̀ kǝɓwa ɓǝ̀ kǝa swarki ɓamuri ɗang. Sǝ ɓǝ̀ ɓe kǝɓwa aɓalǝ wun kǝ sǝni kǝla ndanǝ sǝlǝe mala ɓanza man ngga, yì ka, ɓǝ̀ kpata njar mǝnana amǝɓanza twali ɓanggea na ka, sǝ yì ka, nǝ̀ duk mǝsǝle aɓa mǝsǝcau.

1 Amǝ Korinti 8:2

Ɓwa mǝnana kǝ sǝni kǝla surǝna rǝ gir ka, ɓǝ̀ sǝlǝ ama malaká surǝ kǝgir kǝla mǝnana ɓoaro ɓǝ̀ surǝì ka ɗang.

Amǝ Filipi 3:4

kat andǝ amani ama mǝ nǝ gandǝ jali nǝ amǝno yì agir ka. Ɓǝa aɓwana nakam mǝnana à kǝ sǝni kǝla à ndanǝ agir mǝnana à nǝ̀ jali nǝia ka, mǝ ndanǝia pas mǝnana à kuti malea ka.

Amǝ Ibǝru 2:1

Ace mani ka, sǝm nǝ̀ tsǝk kir sǝm pépè arǝ cau mǝnana sǝm ok ka, ace mǝnana ɓǝ̀ sǝm ngga kyanggi wi ɗàng.