Luka 8:10 - Maləmce Məfele mala Ɓakuli: Kurcau Məbəshe

¹⁰ Pǝlǝa nea wia ama: Wun ngga à pana wun surǝ gir ɓa sǝmbǝrǝa mala Domurǝm mala Ɓakuli. Sǝ mala acili aɓwana ka, ǝn nggǝ nea wia nǝ kanicau ace mǝnana ɓǝa lumsǝ cau ɓa Malǝmce mǝnana ama: “À nǝ̀ sǝnban, sǝ à pà nǝ̀ sǝn kǝgir ɗang; À nǝ̀ okban, sǝ ce pà nǝ̀ kpakia wia ɗang.”

Luka 8:10 ပူးပေါင်းရင်းမြစ်များ

Matiu 11:25

A pwari mǝno ka Yesu na ama: Ən nggǝ ɓwangsǝo, we Dâ, mǝtala kuli andǝ nzali, ace mǝnana a sǝmbǝrǝ agir mǝnia ka arǝ amǝ'sǝlǝgir andǝ amǝ sǝlǝcau, sǝ a lǝmndǝia a banfana aban amǝ'ɗwanyi-sǝle.

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Markus 4:11

Nea wia ama: Ma wun ngga girsǝmbǝrǝa aɓa domurǝm mala Ɓakuli ka à pana wuni ɓǝ̀ wu surǝì. Sǝa ma aɓwana mana à pa aɓalǝ wun raka, koya gir ka à nǝ̀ banggia wia nǝ kanicau.

Markus 4:12

Acemǝnana, “Ɓǝ̀ mala sǝnban nǝ mǝsǝu na ka, à nǝ̀ sǝna, sǝ à pà nǝ̀ bwalte ɗang. Ɓǝ̀ okban na nǝ kiru ka, à nǝ̀ o, sǝ à pà nǝ̀ surǝì ɗang. Ɓǝ̀ ana raka à nǝ̀ nyare abanam sǝ à nǝ̀ twalia wia banì!”

Yohana 12:40

Mǝtalabangŋo girkina amǝsǝia, ɗǝm ngga girkina ɓabumia. Girkia ace mǝnana amǝsǝia ɓǝa kǝa sǝnban ɗang, sǝ ɓabumia ɓǝ̀ kǝa kum sǝlǝe ɗang, sǝ à pà nǝ̀ nyàr abanam ace mǝnana ɓǝn sonzǝia ka raka.

Amǝ Roma 16:25

Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara.

1 Amǝ Korinti 12:11

Rǝcandǝa mala amǝnia yì aɓoro ka kǝ pur nǝ ban Bangŋo mǝnia mwashat ka, sǝ kǝ Bangŋo mǝ'mwashati na kǝ gaki amǝnia yì aɓoro ka kǝla mǝnana ɓabumi kànì ka, ace mǝnana koyana ka, ɓǝ̀ kum ɓoro mǝnana kum ngga.

Amǝ Kolosi 2:2

Ən nggǝ pak mǝnia ace mǝnana ɓǝa kum ɓak ɓabum, sǝ ɓǝa duk mwashat aɓa earcearǝu. Ən nggǝ earce nǝma ɓǝa kum lumsǝo mala ɓabumcandǝa ama à bwalǝna ta kane mala Ɓakuli mana sǝmbǝrǝ ce ɗiɗyal ka, yì Kǝrǝsti nǝ ɓamuri.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.