Luka 7:47 - Maləmce Məfele mala Ɓakuli: Kurcau Məbəshe

⁴⁷ Ace mani ka, ǝn nggǝ banggo, earcearǝu male mana gul kpǝm ngga, lǝmndǝ ama, acauɓikea mǝgule male ka à twalǝni wi bania kat. Sǝ ɓwa mǝnana à twali wi banì bǝti ka, earcearǝu male gbal ka nda bǝti.”

Luka 7:47 ပူးပေါင်းရင်းမြစ်များ

Matiu 10:37

Ɓwa mǝnana earce tarrí ko ngge kutiam ngga, kārǝa nǝ̀ duk mǝkpatam ɗang. Ɓwa mǝnana earce muni mǝɓwabure ko mǝɓwame kutiam ngga, kārǝa nǝ̀ duk mǝkpatam ɗang.

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Luka 7:46

A hasǝam muru a ɓamuram ɗang, sǝ yì ka, hasǝam muru mǝ'rǝmɓoarne arǝ akusǝam.

Luka 7:48

Yesu pǝlǝa ne mɓwama mǝno ka ama, “À twalǝno ban acauɓikea mo.”

Amǝ Mishan 5:31

Nda Ɓakuli loasǝi, dumsǝi a buno mala gulo, a bui mǝli, nda sǝ duk Ɓwamǝgule andǝ Mǝ'amsǝban ngga. Ɓakuli pak mǝnia yì gir ka ace pe amǝ Isǝrayila dǝmbǝu mala pwanzali ɓǝa pǝlǝ nzǝmia arǝ acauɓikea malea, sǝ nǝ̀ twalia wia banì.

Amǝ Roma 5:20

À pà Nggurcau mala Ɓakuli, ace mǝnana ɓǝa ɓwana sǝn lime andǝ gulo mala cauɓikea malea. Sǝ lang ɓwapǝndǝa camarǝ lidǝmbǝa aɓa cauɓikea ka, ɓwamuru mala Ɓakuli kǝ gulo kǝ tur a dǝmbǝa kǝrkǝr.

2 Amǝ Korinti 5:14

Ɓǝ̀ nda a koya nkanggari ka, earcearǝu mala Kǝrǝsti kǝ yal sǝm. Acemǝnana sǝm pana eare ama, Kǝrǝsti wu ace ɓwapǝndǝa kat ka, sǝm pana eare gbal ama sǝm kat ka, sǝm nda te aɓa lú male.

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Afisu 6:24

Ɓǝ̀ ɓwamuru mala Ɓakuli do ata aɓwana mǝnana kat à earce Mǝtala sǝm Yesu Kǝrǝsti ka nǝ earcearǝu mǝnana malkiyi raka.

Amǝ Filipi 1:9

Sǝ hiwi mem ngga, nda mǝnana ama earcearǝu ma'wun ɓǝ̀ lidǝmbǝa nǝ gulo, sǝ ɓǝ̀ wu lumsǝ nǝ surǝe andǝ bwaltagir mǝlime.

1 Timoti 1:14

Sǝ Mǝtala sǝm solǝam ɓwamuru male mǝkǝrkǝr nì a muram, a tarǝia andǝ paɓamuru andǝ earcearǝu mǝnana à nda aɓa Kǝrǝsti Yesu ka.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.

1 Yohana 3:18

Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.

1 Yohana 4:19

Sǝm nggǝ lǝmndǝ earcearǝu, acemǝnana Ɓakuli na tita lǝmndǝa sǝm earcearǝu ka.

1 Yohana 5:3

Acemǝnana earce Ɓakuli ka nda kpata anzongcau male. Sǝ anzongcau male ka, kpatea kwan ɗang.