Luka 7:41 - Maləmce Məfele mala Ɓakuli: Kurcau Məbəshe

⁴¹ Yesu ne wi ama, “Ɓe ɓwa kǝ kpata aɓwana ɓari tangna. Ɓwa mwashat ka ak mǝsǝboalo gbǝman-tongno, sǝ ɓeɓwa ka lumi-tongno na ak ka.

Luka 7:41 ပူးပေါင်းရင်းမြစ်များ

Matiu 18:28

Lang mǝturo-ɓala man purna a nza ka, yi kum ɓi mǝturo-ɓala mǝnana kǝ kpate tangna boalo bǝti ka. Pǝlǝa kpe a mǝsǝ'meali kàngkàng ne wi ama, “Mbwem gir mǝnana ǝn nggǝ kpato ka.”

Matiu 6:12

Twala sǝm ban acauɓikea ma'sǝm, kǝla mǝnana sǝm nggǝ twali aɓwana mana à kǝ pakka sǝm cauɓikea ka.

Markus 6:37

Sǝ Yesu nea wia ama, “Wu pea wia ɓe kǝgir ɓǝa li.” À ɗi ama, “Sǝm nǝ̀ kum ake? Sǝm nǝ̀ ngga pak turo boalo mala zongŋo tongno-nong-tārú sǝ sǝm nǝ̀ kur girlina mǝnana nǝ̀ karǝ amǝnia yia aɓwana ka le?”

Luka 11:4

Twala sǝm ban acauɓikea ma'sǝm, kǝla mana sǝm gbal ka sǝm nggǝ twali aɓwana mǝnana à kǝ pakka sǝm cauɓikea, banì ka. Kǝa ká nǝ sǝm aɓa karǝkiban ɗang.’ ”

Luka 12:48

Sǝ ɓwa mǝnana sǝlǝ ɗang sǝ pak gir mǝnana ɓoaro ɓǝa kwe ace ka, à nǝ̀ kwe bǝti. Ɓwa mǝnana à pe wi kpǝm ngga, à nǝ̀ alte a bui kpǝm. Sǝ ɓwa mǝnana à pe wi kpǝm ngga, à nǝ̀ ɗice a bui gbal kpǝm.

Luka 13:4

Ko aɓwana mǝnana lum-bwamndǝ-tongno-nong-tārú mǝnana ndakuli mǝdāre kpa a muria à wú a Silowam ngga, wu kǝ sǝni kǝla à kutiban nǝ cauɓikea a Urǝshalima kat le?

Luka 7:40

Yesu eari wi ama, “Shiman, mǝ ndanǝ cau mǝnana mǝ nǝ no ka.” Pǝlǝa pe eare ama, “Nam ce, Malǝm.”

Luka 7:47

Ace mani ka, ǝn nggǝ banggo, earcearǝu male mana gul kpǝm ngga, lǝmndǝ ama, acauɓikea mǝgule male ka à twalǝni wi bania kat. Sǝ ɓwa mǝnana à twali wi banì bǝti ka, earcearǝu male gbal ka nda bǝti.”

Amǝ Roma 3:23

Acemǝnana koyan ngga pangŋǝna cauɓikea, sǝm kat ka sǝm gattì doɓoarɓwa mala Ɓakuli.

Amǝ Roma 5:20

À pà Nggurcau mala Ɓakuli, ace mǝnana ɓǝa ɓwana sǝn lime andǝ gulo mala cauɓikea malea. Sǝ lang ɓwapǝndǝa camarǝ lidǝmbǝa aɓa cauɓikea ka, ɓwamuru mala Ɓakuli kǝ gulo kǝ tur a dǝmbǝa kǝrkǝr.