Luka 7:40 - Maləmce Məfele mala Ɓakuli: Kurcau Məbəshe

⁴⁰ Yesu eari wi ama, “Shiman, mǝ ndanǝ cau mǝnana mǝ nǝ no ka.” Pǝlǝa pe eare ama, “Nam ce, Malǝm.”

Luka 7:40 ပူးပေါင်းရင်းမြစ်များ

Matiu 26:49

Yahuda gya yi kútí kporong aban Yesu, ne wi ama, “Malǝm, ǝn nggǝ makko kun.” Pǝlǝa yi mǝn abui kùr Yesu zǝp.

Matiu 7:22

A masǝlǝata apwari ka aɓwana pas nǝ̀ yiu à nǝ̀ nam ama, “Mǝtalabangŋo, Mǝtalabangŋo, nǝ lullǝo sǝ sǝm hamnǝ cau re, sǝ nǝ lullǝo sǝ sǝm pusǝki akukwar, sǝm pakki agir-ndǝlǝki pas re?”

Luka 18:18

Ɓe ɓwamǝgule mala amǝ Yahudi mǝkume ɗi ama, “Malǝm mǝɓoarne, mana gir ni na mǝ nǝ pa sǝ mǝ nǝ kum yilǝmu mǝnana málá male pà kàm raka?”

Luka 5:22

Yesu surǝ ɗenyicau malea pǝlǝa ɗia ma, “Ace mana sǝ wu kǝ ɗikiban a ɓabum wun amur man yì cau ka?

Luka 5:31

Yesu earia wia ama, “Aɓwana mǝnana rǝia bang ngga à alkiyita mǝsonzǝo ɗang, amǝ rǝkwana na à alkiyita mǝsonzǝo ka.

Luka 6:8

Sǝ Yesu ka surǝna rǝ ɗenyicau malea, pǝlǝa ne mǝbuwuna ama, “Lo, yiu cam a ɓadǝm ɓwapǝndǝa kat.” Nda lo came abanì.

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Luka 7:41

Yesu ne wi ama, “Ɓe ɓwa kǝ kpata aɓwana ɓari tangna. Ɓwa mwashat ka ak mǝsǝboalo gbǝman-tongno, sǝ ɓeɓwa ka lumi-tongno na ak ka.

Yohana 13:13

Wu kǝ tunǝam ama Malǝm, sǝ Mǝtalabangŋo. Sǝ wu ɓwarki ɗang, anggo sǝ ǝn pa.

Yohana 16:19

Yesu sǝlǝna ama à kǝ earce à nǝ̀ ɗi amuri, pǝlǝa nea wia ama: Wu ndarǝ ɗiki rǝarǝ wun amur man nda ɓacau mǝnana ǝn na nǝma, “Zuku ka pa wu nǝ̀ sǝnam ɗang, sǝ zuku anzǝmi ka wu nǝ̀ sǝnam ɗǝm” ngga le?

Yohana 16:30

Adyan ngga sǝm sǝlǝna ama we ka a surǝ agir kat, ɓwa pà nǝ̀ na ama nǝ̀ ɗio kǝ cau ɗang. Ace mǝno ka sǝm earǝna ama we ka a pur nǝban Ɓakuli.”

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”