Luka 7:39 - Maləmce Məfele mala Ɓakuli: Kurcau Məbəshe

³⁹ Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Luka 7:39 ပူးပေါင်းရင်းမြစ်များ

Matiu 20:16

Anggo sǝ amǝ'nzǝmo à nǝ̀ pǝlǝ amǝdǝmbǝa, sǝ amǝdǝmbǝa nǝ̀ pǝlǝ amǝ'nzǝmo.

Matiu 21:11

Aɓwabunda ear ama, “Mǝnia ka Yesu na, Mǝɓangna mala Ɓakuli mǝnana pur a Nazarat, a bu-nzali Galili ka.”

Markus 7:21

Acemǝnana nda nǝ ɓalǝu, a ɓabum ɓwa, sǝ aɗenyicau mǝɓane kǝ puro, kìɗìkì mala nongginǝban, ǝn'i, walki alú, panzǝzana,

Luka 12:17

Pǝlǝa ne ɓamuri ama, “Mana do mǝ nǝ pa? Ən panǝ ban mǝnana mǝ nǝ ram girlina mem kam ngga ɗang.

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 16:3

Mǝɗenyi nǝ agirkuma pak ɗenyicau ama, “Mana ado mǝ nǝ pa? Mǝtala-ɓala mem no nǝ̀ pǝram arǝ turo. Ən panǝ rǝcandǝa mǝ nǝ rikrya ɗang, sǝ kǝsǝkya kǝ pakkam arǝ zǝmnggi agir.

Luka 18:4

Ata dǝmbe ka gine. Nǝ nzǝmo ka ne ɓamuri ama, “Ko kat andǝ amani ama ǝn nggǝ ɓanggi Ɓakuli ɗang, sǝ kǝgir oasǝkiam arǝ kǝɓwa raka,

Luka 3:8

Wu pusǝ ɓealǝu mǝnana nǝ̀ lǝmndǝ ama wu pwanǝna'nzali, wu nyingŋǝna acauɓikea ma'wun ngga. Wu kǝa twali ama do ma'wun kǝla amǝkau mala Ibǝrayim ngga nǝ̀ amsǝ wun ɗang. Ən nggǝ na wun ama aɓalǝ atali man ngga, Ɓakuli nǝ̀ gandǝ loasǝi Ibǝrayim amǝkau.

Luka 7:16

Ko yan ngga gir nî karmuri, pǝlǝa à ɓwangsǝ Ɓakuli, à kǝ na ama, “Ɓe mǝɓangna mǝgule pusǝna rǝì aban sǝm. Ɓakuli yina ace amsǝ aɓwana male!”

Luka 7:37

A la mǝno ka ɓe mɓwama na kam mǝnana à surǝì nǝ do aɓa cauɓikea, man-gung na ka. Lang ok ama Yesu na ban li a ɓala mala ɓwa Farisi ka, yiu nǝ muna-du mǝɓoarjami mana à lumsǝì nǝ muru mǝ-rǝmɓoarne, mana kure candǝ ka.

Luka 7:38

Yiu yi kūndǝ nǝ ban akusǝ Yesu a nzǝmi, sǝ kǝ ɓua; liu anzǝm kusǝ Yesu nǝ mǝrǝm, esǝkia nǝ nyang muri, sǝ kùria a rǝì nǝ abui; camarǝ jeki akusǝ Yesu tutu nǝ mburkuni, sǝ kǝ hasǝia nǝ muru mǝ-rǝmɓoarne.

Luka 7:40

Yesu eari wi ama, “Shiman, mǝ ndanǝ cau mǝnana mǝ nǝ no ka.” Pǝlǝa pe eare ama, “Nam ce, Malǝm.”

Yohana 4:19

Mɓwame na ama, “Ɓwamǝgule, ǝn nggǝ sǝni kǝla we ka a nda mǝɓangna mala Ɓakuli.

Yohana 7:12

Aɓwabunda kǝ na cau nggùr-nggùr amur Yesu. Aɓea ɓwana ama, “Yì ka, ɓwa mǝɓoarne na.” Sǝ aɓea ɓwana gbal ka ama, “Awo, yì ka, mǝswarkiban na.”

Yohana 9:24

Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.”