Luka 7:38 - Maləmce Məfele mala Ɓakuli: Kurcau Məbəshe

³⁸ Yiu yi kūndǝ nǝ ban akusǝ Yesu a nzǝmi, sǝ kǝ ɓua; liu anzǝm kusǝ Yesu nǝ mǝrǝm, esǝkia nǝ nyang muri, sǝ kùria a rǝì nǝ abui; camarǝ jeki akusǝ Yesu tutu nǝ mburkuni, sǝ kǝ hasǝia nǝ muru mǝ-rǝmɓoarne.

Luka 7:38 ပူးပေါင်းရင်းမြစ်များ

Matiu 5:4

Amǝ bumkiɗikea ka à ndanǝ tsǝkbu mala Ɓakuli, acemǝnana à nǝ̀ kum girikiban.

Luka 22:62

Pǝlǝa puro a nza kya ɓwa kǝrkǝr.

Luka 6:21

Wu ndanǝ tsǝkbu mala Ɓakuli, yì wun mǝnana wu kǝ ok nzala ado ka, acemǝnana à nǝ̀ ɗǝmsǝ wun. Wu ndanǝ tsǝkbu mala Ɓakuli, wun man wu kǝ ɓua ado ka, acemǝnana wu nǝ̀ ngga oalo.

Luka 7:37

A la mǝno ka ɓe mɓwama na kam mǝnana à surǝì nǝ do aɓa cauɓikea, man-gung na ka. Lang ok ama Yesu na ban li a ɓala mala ɓwa Farisi ka, yiu nǝ muna-du mǝɓoarjami mana à lumsǝì nǝ muru mǝ-rǝmɓoarne, mana kure candǝ ka.

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Yohana 11:2

Mǝnia yì Maryamu mǝ'eambǝi Liazaro nong nǝ rǝkwana ka, nda kǝ mɓwama mǝnana nǝ nzǝmo yiu soapi Mǝtalabangŋo Yesu muru mǝ'rǝmɓoarne arǝ akusǝi, sǝ esǝki wi nǝ nyang-múrí ka.

Jemis 4:9

Ɓǝ̀ ɓabum wun kìɗìkì, wu ɓua, sǝ wu dukdo tímúrû. Ɓǝ̀ oalo ma'wun nyar a doatu, sǝ ɓǝ̀ banɓoarnado ma'wun nyar a tímúrû.