Luka 7:13 - Maləmce Məfele mala Ɓakuli: Kurcau Məbəshe

¹³ Lang Mǝtalabangŋo sǝn mɓwama man ngga, mǝsǝswatǝr male bwali, pǝlǝa ne wi ama, “Ce a ɓua ɗang!”

Luka 7:13 ပူးပေါင်းရင်းမြစ်များ

Markus 8:2

“Mǝsǝswatǝr mala ɓwapǝndǝa man bwalam kǝrkǝr. À ndakani atam nongŋo tārú yalung, sǝ ko kǝgir pà kàm à nǝ̀ li ɗang.

Luka 10:1

Anzǝm mǝnia ka, Mǝtalabangŋo twal aɓea ɓwana lumi-tongno-nong-ɓari nǝ mǝsǝì ɓari ata amǝkpate, sǝ tasǝia ɓari-ɓari ɓǝa aki dǝmbǝa o arǝ ala andǝ aban mǝnana yì ka, nǝ̀ ká kam ngga.

Luka 11:1

Ɓe pwari mwashat Yesu na ban pak hiwi a ɓe ban. Lang malǝna ka, ɓeɓwa ata alaggana male ne wi ama, “Mǝtalabangŋo, kania sǝm pak hiwi, kǝla mǝnana Yohana kani alaggana male ka.”

Luka 11:39

Pǝlǝa Mǝtalabangŋo ne wi ama: Wun amǝ Farisi ka wu kǝ lak nzǝm kwar andǝ nzǝm tasau, sǝ ɓabum wun ngga lumsǝ nǝ mɓali andǝ ɓealɓikea.

Luka 12:42

Mǝtalabangŋo Yesu eare ama: Yana nda muna-ɓala mǝnana mǝsǝle na, à nǝ̀ earnǝi ka? Yì ka, nda ɓwa mǝnana mǝtala-ɓala male nyinggi wi ɓala a bui, ɓǝ̀ pe acilia amuna-ɓala girlina ɓǝ̀ pwari malea pangŋǝna ka.

Luka 13:15

Mǝtalabangŋo pǝlǝi wi ama, “Wun amǝ'kunɓarina! Ko yan aɓalǝ wun ngga kǝ panzǝ jamnda ko mǝndambǝritso male a domwan kǝ um nǝi a pe wi mur a pwari usǝlǝo re?

Luka 17:5

Pǝlǝa Amǝ'mishan ne Mǝtalabangŋo ama, “Tsǝk paɓamuru ma'sǝm ɓǝ̀ gulo.”

Luka 17:6

Mǝtalabangŋo pea wia eare ama: Ko ɓǝ̀ guliarǝu ma'wun kyauwe kǝla mǝsǝ musta ka, wu nǝ̀ gandǝ banggi nggea nggun mǝnia ka ama, “U, kya kpa aɓa nggeamur!” Sǝ yì ka, nǝ̀ kpata cau ma'wun.

Luka 18:6

Pǝlǝa Yesu Mǝtalabangŋo na ama: Wu ok cau mǝnana murǝm-ɓashi mǝ'ɗwanyi mǝsǝcau man na ka!

Luka 19:8

Zaka pǝlǝa lo sǝ ne Mǝtalabangŋo ama, “Mǝtalabangŋo, sǝni, mǝ nǝ gau girkuma mem aɓalǝu, mǝ nǝ pe amǝtǝr kāmbe mwashat, sǝ ɓǝ̀ ǝn mbǝrina kǝɓwa ka, mǝ nǝ nyesǝi ɓwe gir nî kusǝ ine.”

Luka 22:61

Mǝtalabangŋo pǝlǝ mǝsǝì sǝn Bitǝrus. Ɓalǝ Bitǝrus kasǝa arǝ cau mǝnana Mǝtalabangŋo ne wi ama: “Kaniama nggu nǝ̀ ɓua a bu du man yalung ngga, a nǝ tǝmce surǝam kusǝ tārú.”

Luka 24:3

Sǝ lang à kuti ka, à kum lú Mǝtalabangŋo Yesu ɗang.

Luka 24:34

aban na ama, “Mǝsǝcau na! Mǝtalabangŋo longŋǝni ɓembe nǝ yilǝmu, yi pusǝrǝi aban Shiman Bitǝrus!”

Luka 7:12

Lang gbashina kun la ka, à je andǝ aɓea ɓwana mǝnana à twalǝna lú-mǝlagga à nǝ̀ nggǝ purni ka. Yì lú ka ndà kǝ̀ muna-ɓwabura mwashat a bu ngge. Sǝ ngge ka man-lú na. Ɓwabunda pas mǝnana a le ka à puro ate.

Luka 7:14

Pǝlǝa kutio tsǝk bui arǝ kal-lú. Amǝ twal lú pǝlǝa à cam gǝs. Sǝ Yesu na ama, “Lagga, ǝn nggǝ no ama wu lo!”

Luka 7:19

sǝ tasǝia aban Mǝtalabangŋo ɓǝa kya ɗi ama, “A nda Kǝrǝsti Mǝ'amsǝban, mǝnana sǝm nggǝ kundǝ ka le, ko ɓǝ̀ sǝm kundǝ ɓeɓwa ɗàng?”

Luka 8:52

Anggo ka ɓwapǝndǝa kat à nda rǝ ɓua sǝ à kǝ keban ace. Yesu nea wia ama, “Wu kǝa ɓua ɗang, muna ka wu ɗang, nda a ntulo!”

Yohana 11:2

Mǝnia yì Maryamu mǝ'eambǝi Liazaro nong nǝ rǝkwana ka, nda kǝ mɓwama mǝnana nǝ nzǝmo yiu soapi Mǝtalabangŋo Yesu muru mǝ'rǝmɓoarne arǝ akusǝi, sǝ esǝki wi nǝ nyang-múrí ka.

Yohana 11:3

Amǝ'eambu amamǝna mǝnia ɓari ka, à turban ata Mǝtalabangŋo Yesu ɓǝa ne wi ama, gyajam male, mǝnana earkiyi ace raka, rǝì eari wi ɗang.

Yohana 20:13

Sǝ à ɗi Maryamu ama, “Mɓwama, mana pur a rǝo sǝ a kǝ ɓuá le?” Pǝlǝa Maryamu earia wia ama, “Aɓwana twalǝna Mǝtalem à umna nǝi, sǝ ǝn surǝ ban mǝnana à ci kam ngga ɗàng!”

Yohana 20:15

Pǝlǝa Yesu ɗi ama, “Mɓwama, mana pur a rǝo sǝ a kǝ ɓua? Yana ɗe a alkite?” Maryamu kǝ sǝni kǝla yì ka, mǝtala ɓaban na, pǝlǝa ne wi ama, “Ɓwamǝgule, ɓǝ̀ a nda a twali ka, banggam ban mǝnana a ci kam ngga, ace mǝnana ɓǝn kyane ɓǝ̀ nggea twali ka.”

Yohana 4:1

Yesu sǝlǝ ama amǝ Farisi ongŋǝna ce ama yì ka, nda arǝ kum amǝ kwaɗi te pas sǝ nda arǝ pakkia wia batisǝma kuti mala Yohana.

Yohana 6:23

Aɓea waru mǝnana à pùr a Tiberiya ka à yiu à kya kpashi tu nǝ́ ban mǝnana Mǝtalabangŋo pak yàwá amur girlina sǝ pè ɓwapǝndǝa à li kam ngga.

1 Amǝ Korinti 7:30

Sǝ aɓwana mǝnana à kǝ ɓuà ado ka, ɓǝa do kǝla aɓwana mana à dum nǝ bumkiɗikea raka. Aɓwana mǝnana à dum nǝ oalo ka, ɓǝa do kǝla aɓwana mǝnana ban kǝ ɓoaria wia raka. Aɓwana mǝnana à ndanǝ boalo, à kǝ kurki agir ka, ɓǝa pa kǝla aɓwana mǝnana agir mana à kur ka, à malea na raka.

1 Amǝ Tasalonika 4:13

Wun amǝ'eamrǝarǝu, sǝm nggǝ earce ama wu kǝa dumnǝ ɗwanyi sǝlǝe amur amǝkwaɗi mǝnana à wuna ka, ko wu nǝ̀ dumnǝ bumkiɗikea, kǝla aɓwana mǝnana à pànǝ tsǝkɓalǝu raka ɗang.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.