Luka 6:49 - Maləmce Məfele mala Ɓakuli: Kurcau Məbəshe

⁴⁹ Sǝ ɓwa mǝnana ok cau mem sǝ tsǝi aɓa turo raka, nda kǝla ɓwa mǝnana ɓak ɓala amur sala, ko tǝm kusǝì raka. Lang murɓangŋa yi wal mǝnia yì ɓala ka, kara ɓala kanggea kpa gbǝrǝrǝm.

Luka 6:49 ပူးပေါင်းရင်းမြစ်များ

Matiu 23:3

Ace mani ka wu kpata gir mana à kania wun ngga, ɗǝm ngga wu pak gir mana à bangga wun ama ɓǝ̀ wu pak ka. Sǝa ma wu kǝa kpata aturo malea ɗang, acemǝnana gir mana à kǝ kani ka à kǝ pe ɗang.

Matiu 24:10

Aɓalǝ amǝno yì apwari ka aɓwana pas nǝ̀ nying paɓamuru malea a rǝam, à nǝ̀ oasǝkimúr rǝarǝia sǝ à nǝ̀ ɓinǝmǝsǝ rǝarǝia.

Markus 4:17

Sǝ acemǝnana à pànǝ́ nlerǝia raka, bania sau ɗang. Ɓǝ̀ tanni ko mursana lo ata ce ka, àkǝ̀ dyadyan à nying buia.

Luka 12:47

Muna-ɓala mǝnana surǝ kani mala mǝtala-ɓala male, sǝ kur rǝi ace, ko pak kǝgir ace raka, à nǝ̀ kwe kǝrkǝr.

Luka 19:14

Sǝ aɓwana male ka à ɓinǝi, pǝlǝa à tasǝ aɓea aɓwana ate ɓǝa kya na ama, “Sǝm earce mǝnia yì ɓwa ka ɓǝ̀ duk murǝm ma'sǝm ɗang.”

Luka 19:27

Sǝ amǝno yì amǝɓinǝ muram mǝnana à ear ama mǝ duk murǝm amuria raka, wu yinǝia kani, wu yi wal-luia a ɓadǝmbǝam!”

Luka 6:46

Ace mana sǝ wu kǝ tunǝam ama, “Mǝtalabangŋo, Mǝtalabangŋo,” sǝ wu kǝ pak gir mǝnana ǝn bangga wun ngga ɗang?

Luka 6:48

Yì ka, nda kǝla ɓwa mǝnana nǝ̀ ɓak ɓala male ka, tǝm tūli mǝlime, sǝ kwakita kusǝɓǎ amur tali. Lang mur longŋa yiu akiban ngga, murɓangŋa yi wal ɓǎ man, sǝ ko dǝurǝ ɗang, acemǝnana à kwakite amur tali.

Luka 7:1

Lang Yesu malǝna banggi aɓwana amǝnia yì acau ka, pǝlǝa kutio o a Kapanahum.

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Amǝ Mishan 20:29

Ən sǝlǝna ama anzǝm mǝnana ǝn nyingŋǝna ban wun ngga, amǝkanigir-nyir, kǝla anvwa bondo mǝɓealɓike, à nǝ̀ yiu aɓalǝ wun, ace mǝnana à nǝ̀ kiɗiki domwan mala Ɓakuli, amǝkwaɗi ka.

Amǝ Mishan 26:11

Kusǝ pas ǝn tsǝa à pea wia tanni arǝ andakpapi, ǝn nggǝ cia ɓǝa makgir kpata Yesu. Acemǝnana ǝn ɓinǝ mǝsǝia kǝrkǝr ka, ǝn zuppi atea arǝ aɓea anggea-là ace ká pea wia tanni.

1 Amǝ Tasalonika 3:5

Ace mani ka, lang ǝn sǝni, pa mǝ nǝ gandǝ twal gandǝa ɗǝm raka, nda sǝ ǝn tasǝ Timoti, ɓǝ̀ yiu ɓǝ̀ yi sǝn tà wun aɓa do paɓamuru ma'wun aban Yesu. Ɓangciu pakkam ama, ce wu earǝ́nì mǝkarǝkiban, yì Shetan swarkina wun, wu ɗekina kpata Yesu, sǝ turo mala Ɓakuli mǝnana sǝm pe aɓalǝ wun ngga, uena ɓà!

2 Bitǝrus 2:20

Sǝ ɓǝa ɓwana apini aɓealɓikea mala ɓanza nǝ njargula surǝ Mǝtala sǝm andǝ Mǝ'amsǝ sǝm Yesu Kǝrǝsti, sǝ à nyar ɗǝm nǝ nzǝmo à yì marǝki rǝia sǝ à ɓunggio aɓalǝ aɓealɓikea mǝno ka, zuriki mǝnana à nda a ɓalǝi ado ka, ɓikina kutina mǝdǝmbe.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.