Luka 6:41 - Maləmce Məfele mala Ɓakuli: Kurcau Məbəshe

⁴¹ Palang sǝ mǝsǝo ueo arǝ kǝkar mǝnana a mǝsǝ ɓeo ka, sǝ a tsǝkiro arǝ gbǝlang nggun mǝnana a mo yì mǝsǝu ka ɗang?

Luka 6:41 ပူးပေါင်းရင်းမြစ်များ

Matiu 7:1

Wu kǝa pakki aɓwana ɓashi ɗang, ace mǝnana Ɓakuli ɓǝ̀ kǝa pakka wun ɓashi raka.

Markus 8:7

À ndanǝ amǝ nji a buia bǝti. Yesu pǝlǝa pak yàwá amuria gbal, sǝ banggia wia ama ɓǝa gaki aɓwana.

Luka 6:40

Mǝ'eaulǝki gir ka kuti malǝm male ɗang. Sǝ ɓwa mǝnana à kanǝnì wi gir pepè ka, nǝ̀ pa kǝla malǝm male.

Luka 6:42

Palang sǝ a wu ne mǝ'eambǝo ama, “Mǝ'eambǝam, came mǝ pyaupo kǝkar mǝnana a mǝsǝo ka,” yi mǝnana a gandǝ sǝn gbǝlang nggun mana a mo yì mǝsǝu raka? We mǝswarki ɓamuru! Pusǝ gbǝlang nggun mǝnana a mǝsǝo ka peatu, sǝ a nǝ gandǝ sǝnban pepè mǝnana a nǝ pyau kǝkar mǝnana a mǝsǝ ɓeo ka.

Yohana 8:7

Lang à came arǝ ɗike ka, pǝlǝa loasǝ muri sǝ nea wia ama, “Ɓwa mǝnana ata wun pànǝ cauɓikea raka, ɓǝ̀ tita tur tali.”

Amǝ Roma 2:1

We ka, a kǝ twali ama a nǝ́ pakki amǝno yì aɓwana ka ɓashi, sǝ a nda kǝla yia nǝ ɓealɓikea, a panǝ kun nacau ɗang! Ɓǝ̀ we ka a na ama yia ka amǝ'ɓealɓikea na ɓǝa pea wia tanni ka, a ndaban pakki ɓamuro ɓashi, acemǝnana we mana a kǝ ɓashi aɓea ɓwana ka, kǝ àkǝ̀ gir nì na gbal a pakkiyi ka.

Jemis 1:24

anzǝm mǝnana sǝnǝna ɓamǝsǝi sǝ kutina umna ka, kara ɓālǝi lorǝna ko lang sǝ ɓamǝsǝi pa.