Luka 6:27 - Maləmce Məfele mala Ɓakuli: Kurcau Məbəshe

²⁷ Sǝa ma ǝn nggǝ bangga wun, wun mǝnana wu kǝ oem ngga: Wu earce aɓi wun amǝbura, aɓwana mǝnana à kǝ ɓinǝ mǝsǝ wun ngga, wu pakkia wia mǝɓoarne.

Luka 6:27 ပူးပေါင်းရင်းမြစ်များ

Markus 4:24

Nyare lidǝmbǝa nǝ cau ama: Wu parkir wun arǝ gir mana wu kǝ ok ka. Sǝlǝe mǝnana Ɓakuli nǝ pa wun ngga nǝ̀ kārǝí arǝ kwakikiru ma'wun arǝ cau. Yale nǝ̀ pa wun sǝlǝe mǝnana kutibanì ka, ɓǝ̀ wu duk amǝ kwaki kiru pepe ka.

Luka 23:34

Pǝlǝa Yesu na ama, “Dâ, twalia wia banì, acemǝnana à surǝ gir mana à pakki ka ɗang.” Pǝlǝa à ko caca amur agir-nggurǝu male, à gakia rǝia.

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Luka 6:35

Wun ngga, wu earce aɓi wun amǝbura, wu pakkia wia mǝɓoarne. Wu pea wia tangna, sǝ wu kǝa tsǝkɓalǝu ama à nǝ̀ mbwe wun ɗang. Sǝ tangnakusǝ wun nǝ̀ gulo, sǝ wu nǝ̀ duk amuna mala Tar wun Ɓakuli mǝnana Karban nǝ Gulo kat ka. Acemǝnana yì ka, kǝ lǝmndǝ ɓwamuru male, ko aban amǝtǝmbu andǝ amǝ'ɓealɓikea.

Luka 8:15

Sǝ amǝsǝɓeale mǝnana a nzali mǝɓoarne ka, à ndaka aɓwana mǝnana à ok cau sǝ à bwali nǝ ɓabum mǝɓoarne mǝɓafoe ka. À lidǝmbǝa aɓa gandǝrǝu, sǝ cau pusǝ ɓealǝu mǝɓoarne aɓalǝia.

Luka 8:18

Wu tsǝkiru arǝ gir mǝnana wu kǝ ok ka. Ɓwa mǝnana ndanǝi ka, à nǝ̀ tsǝki wi ɓe amuri. Sǝ ɓwa mǝnana pànǝi raka, ko mǝnana kǝ sǝni kǝla ndanǝi ka, à nǝ̀ é a rǝì.

Luka 8:8

Sǝ aman ngga à sukkio amur nzali mǝɓoarne. À puro, à gulo, à kya ɓǝla, ko mǝyani ka pusǝ ɓǝle kuti mǝnana à ɓeali ka kusǝ gbǝman. Yesu bangŋǝna mǝnia yì cau ka, pǝlǝa loasǝ gi na ama, “Ɓwa mǝnana ndanǝ kir okban ngga ɓǝ̀ o.”

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 16:28

Sǝ Bulǝs sà a rǝi ɓwam ama, “Came, kǝa wal ɓamuro ɗang! Sǝm ndakani kat!”

Amǝ Mishan 7:60

Pǝlǝa ɓun amur ankuni loasǝ gi nǝ rǝcandǝa ama, “Mǝtalabangŋo, kǝa bwalia nǝ mǝnia yì cauɓikea ka amuria ɗang.” Lang bangŋǝna anggo ka, kara kuni kumsǝo.

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

3 Yohana 1:11

Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.