Luka 6:21 - Maləmce Məfele mala Ɓakuli: Kurcau Məbəshe

²¹ Wu ndanǝ tsǝkbu mala Ɓakuli, yì wun mǝnana wu kǝ ok nzala ado ka, acemǝnana à nǝ̀ ɗǝmsǝ wun. Wu ndanǝ tsǝkbu mala Ɓakuli, wun man wu kǝ ɓua ado ka, acemǝnana wu nǝ̀ ngga oalo.

Luka 6:21 ပူးပေါင်းရင်းမြစ်များ

Matiu 5:4

Amǝ bumkiɗikea ka à ndanǝ tsǝkbu mala Ɓakuli, acemǝnana à nǝ̀ kum girikiban.

Matiu 5:6

Aɓwana mǝnana à dum nǝ nzala andǝ mǝsamur mala cauɓoarna a bumia ka, à ndanǝ tsǝkbu mala Ɓakuli, acemǝnana à nǝ̀ kum ɗǝmsǝban.

Luka 1:53

Amǝ'nzala ka ɗǝmsǝnia nǝ agir mǝɓoarne, sǝ amǝkume ka tasǝna takwaria ɓǝa o nǝ ɓabuia.

Luka 6:20

Yesu loasǝ mǝsǝì sǝn amǝte sǝ nea wia ama: Wu ndanǝ tsǝkbu mala Ɓakuli wun amǝ'tǝ̀r, acemǝnana Domurǝm mala Ɓakuli ka ma'wun na.

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Luka 6:25

Caukwanban na nǝ wun mǝnana wu ɗǝmna ado ka, acemǝnana nzala nǝ̀ wal wun. Caukwanban na nǝ wun mana wu kǝ oal ado ka, acemǝnana wu nǝ̀ keban, wu nǝ̀ ɓua.

Yohana 11:35

Yesu sukki mǝrǝm.

Yohana 4:10

Yesu eari wi ama, “Ɓǝ̀ a surǝna rǝ ɓoro mǝnana Ɓakuli ndanǝi aceo, andǝ ɓwa mǝnana zǝmnggiyio mùr nuna ka, ɓǝ a zǝmni wi mùr mǝnana pākiyi yilǝmu ka, sǝ yì ka, nǝ̀ po.”

Yohana 6:35

Pǝlǝa Yesu bangŋa ama: “Mǝ nda girlina mala yilǝmu. Ɓwa mǝnana kat yiu abanam ngga pà nǝ̀ ok nzala ɗǝm ɗang, sǝ ɓwa mǝnana kat pàɓamuri abanam ngga pà nǝ̀ ok mǝsamur ɗang ko bǝti.

1 Amǝ Korinti 4:11

Ko ado ka, sǝm dum nǝ nzala andǝ mǝsamur; kǝ asangginagir nda sǝm oasǝo arǝ sǝm ngga; kusǝ pas sǝm nggǝ kum walban; sǝm nggǝ sokki kun sǝm arǝ aban ɗàngɗáng.

2 Amǝ Korinti 11:27

Ən do aɓa pak turo mǝkwane andǝ aulǝa, aɓa ɗwanyi ntulo arǝ adú pas, aɓa nzala andǝ mǝsamur. Kusǝ pas ǝn do aɓa tǝla girlina, aɓa ɗwal andǝ tǝla agir-nggurǝu.

2 Amǝ Korinti 12:10

Nda gir nî sǝ ban kǝ ɓoaram arǝ rǝɓunggia mem, andǝ sanggiban, andǝ domǝkwane, andǝ pàtanni, andǝ atanni mǝnana ǝn nggǝ kutio aɓalǝia ace Kǝrǝsti ka. Acemǝnana ɓǝ̀ mǝ nda aɓa rǝɓunggia ka, sǝ mǝ nǝ̀ kum rǝcandǝa.

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

Jemis 1:12

Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.

Sǝna 21:3

Ən ok ɓe giu mǝgule pur nǝban bunomurǝm mala Ɓakuli, na cau ama: Wu sǝni, ban-do mala Ɓakuli adyan ngga, nda aban aɓwana male! Yì ka, nǝ̀ do andǝia, sǝ yia ka, à nǝ̀ duk aɓwana male. Ɓakuli nǝ nggearǝì nǝ̀ do atea.

Sǝna 7:16

À pà nǝ̀ ok nzala ɗǝm ɗang ko bǝti, sǝ mǝsamur pà nǝ̀ nyare nǝ̀ walia ɗǝm ɗang ko bǝti. Pwari pà nǝ̀ walia ɗǝm ɗang ko bǝti, sǝ ɓe kǝ tosǝkiban mala banpina pà nǝ̀ yiu amuria ɗǝm ɗang ko bǝti.