Luka 6:17 - Maləmce Məfele mala Ɓakuli: Kurcau Məbəshe

¹⁷ Lang à sulǝni mur nkono ka, Yesu yi came a ɓe palban. Aɓea alaggana male nakam pas aban rambǝa. Aɓwabunda pas mǝnana à purkio aɓa nzali Yahudi, andǝ Urǝshalima andǝa mǝnana a bu-nzali mala amǝ Taya andǝ Sidon mana a kun nggeamur ka, à ndakam gbal.

Luka 6:17 ပူးပေါင်းရင်းမြစ်များ

Matiu 11:21

Wun amǝ Korazin, ban nǝ ɓikea wun! Wun amǝ Beseda, ban nǝ ɓikea wun! Ɓǝ̀ ama agir-ndali mǝnana ǝn pea aɓalǝ ala ma'wun ngga à nda ǝn pea arǝ ala mala amǝ Taya andǝ amǝ Sidon ngga, ɓǝa oasǝkina asangginagir a rǝia sǝ à songŋǝna tú amuria ɗiɗyal mana nǝ̀ lǝmndǝ ama à nyingŋǝna acauɓikea malea ka.

Matiu 12:15

Yesu yi sǝlǝia wia ka, pǝlǝa nying banì. Aɓwana pas o ate. Amǝkwano mǝnana aɓalǝia ka, Yesu yi twalia wia ban arǝkwana malea kat.

Matiu 14:14

Yesu yi kpashi, nǝ̀ eapi waru ka sǝn ɓwabunda kǝrkǝr aban rambǝa. Mǝsǝswatǝr malea pakki wi pǝlǝa twalia amǝkwano mana aɓalǝia ka ban arǝkwana malea.

Matiu 15:21

Yesu nying ban mǝno sǝ o a nzali mala amǝ Taya andǝ amǝ Sidon.

Matiu 5:1

Lang Yesu sǝn lakki mala ɓwabunda ka, kya eauwe do a bum nkono. Alaggana male yiu abani,

Luka 5:15

Kat andǝ amani ka cau amur Yesu akiban, gandǝa ɓwabunda yiu ace ok cau male andǝ kum twalban akwano mǝnana a rǝia ka.

Luka 6:12

Aɓalǝ anonggeo mǝno ka, Yesu o a bum nkono nǝ̀ ká pak hiwi. Bankwari aban hiwi aban Ɓakuli.

Luka 6:16

andǝ Yahuda (muna mala Jemis), sǝ Yahuda Iskariyoti (mǝnana yi kurkuro nǝ Yesu ka).

Luka 6:18

À yiu ace ok cau male andǝ kum sonzǝban mala arǝkwana malea. Amǝnana gbal akukwar kǝ pea wia tanni ka, akukwar puri rǝia kat.