Luka 5:30 - Maləmce Məfele mala Ɓakuli: Kurcau Məbəshe

³⁰ Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Luka 5:30 ပူးပေါင်းရင်းမြစ်များ

Matiu 5:46

Ɓǝ̀ earcearǝu ma'wun ngga nda ace amǝ'earce wun nǝmurǝia ka, ya tangnakusǝu na wu ndanǝi? Nggearǝ amǝ'cauɓikea ka anggo sǝ à pakkiyia.

Matiu 9:11

Sǝ amǝ Farisi sǝn Yesu aban li andǝ aɓwana mǝnia ka, à ɗi alaggana male ama, “Ace man sǝ ɓwamǝgule ma'wun kǝ lili andǝ amǝ'ak boalo-cemi andǝ amǝ'cauɓikea?”

Markus 2:16

Lang amalǝm Nggurcau mala Musa mǝnana amǝ Farisi na, à sǝn Yesu aban lili andǝ amǝ'cauɓikea andǝ amǝcemi ka, à ɗi ka laggana male ama, “Palang sǝ kǝ lili andǝ amǝcemi andǝ amǝ'cauɓikea?”

Markus 7:3

(Amǝ Farisi andǝ acili amǝ Yahudi kat ɓǝa nǝ̀ lili ka, she à nǝ̀ lakki abuia kǝla mǝnana kuncau kànì ka, à bwal kuncau mana à kumo a bu akea ka.

Markus 9:16

Yesu ɗi ka laggana male ama, “Mana gir ni wu makkiyigir wunǝia amuri?”

Luka 18:11

Pǝlǝa ɓwa Farisi lo came pak hiwi amur ɓamuri. Na ama, “Ɓakuli, ǝn pakko yàwá, acemǝnana mǝ nda mǝ'cauɓikea kǝla acili aɓwana ɗang. Ən pa kǝla amǝ'ɓǝmbǝriban, amǝ ɗwanyi do amur mǝsǝcau, amǝ'nongginǝban a nza mala doɓala, ko kǝla mǝnia yì mǝcemi ka ɗang.

Luka 19:7

Ɓwapǝndǝa mǝnana kat sǝn mǝnia ka, tita nggwani ama, “Ɓwabura man ngga kya sulǝna a ɓala mala mǝ'cauɓikea!”

Luka 5:17

Ɓe pwari mwashat Yesu ka nda ban kanigir, amǝ Farisi andǝ amalǝm Nggurcau mala Musa mǝnana à purkio arǝ amuna-là ɗàngɗáng aɓalǝ abu-nzali Galili andǝ Yahudi, andǝ Urǝshalima ka, à ndakam aban do. Sǝ Bangŋo mala Ɓakuli ka nda te ace sonzǝ amǝ rǝkwana.

Luka 5:21

Amalǝm Nggurcau andǝ amǝ Farisi tita ndali nǝ ɓabumia ama, “Yana mǝnia yì ɓwa kǝ ak bancame mala Ɓakuli ka! Ɓǝ̀ Ɓakuli nǝmurǝì raka, yana nǝ̀ twalban cauɓikea!”

Luka 7:34

Muna mala Ɓwa yiu kǝ li, kǝ nu, nyare wu na ama, “Wu sǝn nggea mǝligula, mǝ nukiagir, gyajam mala amǝ'ak boalo-cemi andǝ ‘amǝ'cauɓikea.’ ”

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Amǝ Mishan 23:9

Loasǝban lo kǝrkǝr a rǝarǝia, sǝ aɓea amalǝm nggurcau mǝnana à nda ata amǝ Farisi ka, à lo, à kutia makgir mǝcande. À bangŋa ama: “Sǝm sǝn kǝgir mǝɓane mǝnana ɓwa man pe ka ɗang! Ear ka bangŋo, ko mǝturonjar na ne wi cau ka!”