Luka 5:17 - Maləmce Məfele mala Ɓakuli: Kurcau Məbəshe

¹⁷ Ɓe pwari mwashat Yesu ka nda ban kanigir, amǝ Farisi andǝ amalǝm Nggurcau mala Musa mǝnana à purkio arǝ amuna-là ɗàngɗáng aɓalǝ abu-nzali Galili andǝ Yahudi, andǝ Urǝshalima ka, à ndakam aban do. Sǝ Bangŋo mala Ɓakuli ka nda te ace sonzǝ amǝ rǝkwana.

Luka 5:17 ပူးပေါင်းရင်းမြစ်များ

Matiu 11:5

Ante kǝ sǝnban, agbakǝre kǝ gya, à kǝ twali amǝdakali ban akwano bǝsa malea, amǝkir'ara kǝ okban, à kǝ loasǝ alú, sǝ à kǝ hamnǝ Cau Amsǝban aban amǝtǝr.

Matiu 15:1

Anzǝm mani ka aɓea amǝ Farisi andǝ amǝkani Nggurcau mala Musa pur a Urǝshalima, à yiu aban Yesu sǝ à ɗi ama,

Markus 1:45

Sǝa ma lang purna ka, kara tita mesǝ ce a koya ban ngga. Gir nî tsǝa Yesu gandǝ kutio a ɓe kǝ la a ɓamǝsǝ aɓwana ɗang, ak rǝì arǝ aban mǝnana kǝɓwa pà kàm raka. Kat andǝ amani ka, ɓwapǝndǝa pur a koya ban ngga aban yiu abani.

Markus 16:18

À nǝ̀ kpa an'yau nǝ buia, sǝ ɓǝa nu barya ka, pà nǝ̀ pakkia wia kǝgir ɗang. À nǝ̀ tsǝk buia amur amǝkwano, sǝ amǝkwano ka rǝia nǝ̀ kum rǝcandǝa.

Markus 3:22

Sǝ amalǝm Nggurcau mala Musa mana à pur nǝ Urǝshalima ka, à kǝ na ama, “Baalzabul, murǝm mala akukwar kutio a rǝì. Nda gir mǝnana tsǝa sǝ ndanǝ rǝcandǝa mala pǝr akukwar ɓǝa pur ka.”

Markus 5:30

Anggo ka kara Yesu sǝlǝ ama rǝcandǝa purna a rǝì. Pǝlǝ rǝì aban ɓwabunda, sǝ ɗiban ama, “Yana je daura mem?”

Markus 7:1

A ɓe pwari ka aɓea amǝ Farisi andǝ aɓea malǝm Nggurcau mala Musa mǝnana à pur nǝ Urǝshalima ka, à yì ram rǝia aban Yesu.

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 2:46

Anzǝm nongŋo tārú ka à kya kumi a Ndàmǝgule mala Ɓakuli aban do ata amǝkanigir, nda rǝ kwaki kiri aban oea, sǝ kǝ ɗikia acau.

Luka 5:21

Amalǝm Nggurcau andǝ amǝ Farisi tita ndali nǝ ɓabumia ama, “Yana mǝnia yì ɓwa kǝ ak bancame mala Ɓakuli ka! Ɓǝ̀ Ɓakuli nǝmurǝì raka, yana nǝ̀ twalban cauɓikea!”

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Luka 6:19

Aɓwana kat ɓariki ama à nǝ̀ je rǝì, acemǝnana rǝcandǝa kǝ puro a rǝì kǝ sonzǝia kat.

Luka 7:30

Sǝ amǝ Farisi andǝ amalǝm nggurcau ka à ginǝ kane mala Ɓakuli mǝnana acea ka, acemǝnana à ɓinǝ ama ɓǝ̀ Yohana ɓǝ̀ kǝa pakkia wia batisǝma ɗang.

Luka 8:46

Sǝ Yesu ka bangŋa ama, “Ɓe ɓwa jenam, ǝn sǝlǝa, acemǝnana ǝn ok rǝcandǝa puro a rǝam.”

Yohana 3:10

Yesu pǝlǝa eari wi ama, “Nggearǝ we ka a nda ɓwamǝgule aɓa kanigir a nzali Isǝrayila, sǝ a surǝ mǝnia yì gir ka ɗang?

Yohana 3:21

Sǝ ɓwa mǝnana kǝ pak gir aɓa mǝsǝcau ka, kǝ yiu aban tǎlaban, ace mǝnana ɓǝ̀ tǎlaban lǝmndǝ aturo male, mǝnana pea nǝ́ ɓanggi Ɓakuli ka.”

Amǝ Mishan 19:11

Ɓakuli pak agir-ndǝlǝki mǝgule kǝrkǝr nǝ bu Bulǝs.

Amǝ Mishan 4:30

Lǝmndǝ buo nǝ rǝcandǝa mala twalban rǝkwana, pakki agir-ndǝlǝki andǝ agir-gyambǝliban nǝ lullǝ guro mo Mǝfele yì Yesu.

Amǝ Mishan 5:34

Pǝlǝa ɓeɓwa nakam aɓalǝia, ɓwa Farisi, mǝnana à tunǝki ama Gamaliyel, malǝm Nggurcau mala Musa, mǝnana ɓwapǝndǝa kat kǝ pe wi gulo ka. Lo came aɓalǝia, sǝ tsǝa ɓe amǝ'mishan pur a nza bǝti.