Luka 4:8 - Maləmce Məfele mala Ɓakuli: Kurcau Məbəshe

⁸ Yesu nyesǝi wi ama, “À gilǝ a Malǝmce mala Ɓakuli ama, “ ‘Peri aban Mǝtalabangŋo Ɓakuli mo, sǝ wu kpate yì nǝmurǝì.’”

Luka 4:8 ပူးပေါင်းရင်းမြစ်များ

Matiu 16:23

Yesu pǝlǝa arǝ Bitǝrus sǝ ne wi ama, “Nyaram anggo, Shetan! A kǝ earce tsǝem mǝ annda, acemǝnana ɗenyicau mo ka mala Ɓakuli na ɗang, mala ɓwapǝndǝa na.”

Matiu 4:10

Yesu ne wi ama, “Shetan, upi banam! Malǝmce mala Ɓakuli ka na ama, “ ‘Peri aban Mǝtalabangŋo Ɓakuli mo, Kǝ yì mwashat ɓǝrɓǝr na a nǝ kpate ka.’ ”

Luka 4:4

Yesu nyesǝi wi ama, “À gilǝ a Malǝmce mala Ɓakuli ama, ‘Ɓwa pà nǝ̀ au nǝ girlina nǝmurǝì ɗang.’”

Luka 4:7

Sǝ ɓǝa kūndǝo, a gusǝlǝam ngga, agir man nǝ̀ duk amo yia kat.”

Jemis 4:7

Ace mani ka wu nyesǝ mur wun aban Ɓakuli! Wu ɓinǝi Shetan, sǝ yì ka, nǝ̀ ɓanggi ban wun.

1 Bitǝrus 5:9

Wu tamsǝ kusǝ wun kàngkàng aɓa paɓamuru ma'wun, wu ɓinǝi wi. Wu sǝlǝ ama aɓi wun amǝkwaɗi aɓa ɓanza kat ka, à nda ban nu ulang tanni ma'wun.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 22:9

Sǝ yì ka, nam ama: Awo, kǝa peri abanam ɗang. Mǝ nda guro mala Ɓakuli, kǝla we wunǝ amǝ'eambǝo, amǝ'ɓangna mala Ɓakuli, andǝ aɓwana kat mǝnana à kǝ kpata gir mǝnana à gilǝì aɓa mǝnia yì malǝmce ka. Peri aban Ɓakuli nǝmurǝì ɓǝrɓǝr!