Luka 4:41 - Maləmce Məfele mala Ɓakuli: Kurcau Məbəshe

⁴¹ Ɗǝm ngga akukwar puri rǝ aɓwana pas, à kǝ loasǝ gia ama, “A nda Muna mala Ɓakuli.” Yesu gimbia, eare ama ɓǝa na kǝ cau ɗang, acemǝnana à sǝlǝna ama yì ka, nda Kǝrǝsti Mǝ'amsǝban.

Luka 4:41 ပူးပေါင်းရင်းမြစ်များ

Matiu 26:63

Yesu duk kuni piu. Pǝris mǝgule ne wi ama, “Ən nggǝ kpapio wunǝ Ɓakuli Mǝyilǝmuì wu bangga sǝm ko a nda Kǝrǝsti, Muna mala Ɓakuli?”

Matiu 4:3

Mǝkarǝkiban pǝlǝa yiu abani sǝ ne wi ama, “Ɓǝ̀ a nda muna mala Ɓakuli ka, banggi atali mǝnia ɓǝa pǝlǝ nɗǝmo.”

Matiu 8:16

Nǝ pwarikpǝra mǝno ka à yinǝ aɓwana pas abani, amǝnana nǝ akukwar a rǝia ka. Pusǝ akukwar mǝno nǝ cau. Sǝ amǝkwano ka twalia wia ban arǝkwana malea kat.

Matiu 8:29

À loasǝ gia arǝ Yesu ama, “Mana a alkiyite a rǝ sǝm, we Muna mala Ɓakuli? A yiua pa sǝm tanni sǝ pwari malaká karǝ ɗang le?”

Matiu 8:4

Sǝ Yesu ne wi ama, “Kǝa ne kǝɓwa ɗang. We ka, kyane kya lǝmndǝ rǝo aban pǝris, sǝ wu pa ɓoro mǝnana Musa bangŋa ama ɓǝa pa ka, mǝnana nǝ̀ lǝmndǝ twalban rǝkwana mo abania ka.”

Markus 1:25

Yesu sà arǝ kukwar, ne wi ama, “Duk kuno piu, puri rǝ ɓwa man!”

Markus 1:32

Nǝ mǝno yì pwari kpana ka, amǝ le yiu nǝ amǝkwano, andǝ aɓwana mǝnana nǝ akukwar aɓa nyamia ka, abani.

Markus 1:34

Yesu twalban arǝkwana ɗàngɗáng arǝ aɓwana. Sǝ pusǝ akukwar pas, sǝ ko earia wia ɓǝa na cau ɗang, acemǝnana à sǝlǝna ama yì ka, Muna mala Ɓakuli na.

Markus 3:11

Ɓǝ̀ aɓwana mǝnana nǝ akukwar aɓa nyamia sǝni nǝ sǝna ani ka, à yì sukki nǝ sukkio a ɓadǝmbǝi nǝ zwalo a kunia, à kǝ na ama, “A nda Muna mala Ɓakuli!”

Luka 4:39

Yesu kūndǝo amuri sǝ gim ɓauwa, pǝlǝa ɓauwa sulǝi rǝì. Kara long nǝ lo àkǝ̀ banì pea wia girlina.

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Jemis 2:19

A ear ama Ɓakuli na mwashat; a pangŋa pepe. Sǝ ko nggearǝ akukwar gbal ka à earǝna nǝ mǝnia, sǝ rǝia kǝ ɓǝla ace ɓangciu.