Luka 4:25 - Maləmce Məfele mala Ɓakuli: Kurcau Məbəshe

²⁵ Ən nggǝ na wun mǝsǝcau ama, aman-lú nakam pas a nzali Isǝrayila a nza mala Iliya mǝɓangna mala Ɓakuli a baku mǝnana mbulo came pǝlǝa tārú nǝ cili, sǝ nggea nzal-gula kpa a nzali kat ka.

Luka 4:25 ပူးပေါင်းရင်းမြစ်များ

Matiu 20:15

Pa mǝ nǝ gandǝ pak gir mana ǝn earce ka nǝ boalo mem re? A kǝ pak mɓali ace ɓoaro mem le?”

Luka 10:21

Amǝno yì pwari ka, Yesu lumsǝ nǝ bumpwasǝa aɓa Bangŋo Mǝfele sǝ bangŋa ama, “Ən ɓwangsǝkio we Dâ, Mǝtala kuli andǝ nzali, acemǝnana a sǝmbǝrǝ amǝnia yì agir ka arǝ amǝ'sǝle andǝ amǝsurǝe, sǝ a lǝmndǝia aban amuna mǝkeke. E, Dâ, mǝnia ka nda gir mǝnana pwasǝ bumo ka.”

Amǝ Roma 9:15

Acemǝnana Ɓakuli banggi Musa ama, “Mim ngga, mǝ nǝ lǝmndǝ ɓwamuru aban ɓwa mǝnana mǝ nǝ lǝmndǝì wi ɓwamuru ka. Sǝ mǝ nǝ sǝn mǝsǝswatǝr mala ɓwa mǝnana kat mǝ nǝ sǝn mǝsǝswatǝr male ka.”

Amǝ Roma 9:20

Sǝ a nda yana, we ɓwapǝndǝa, yì mǝnana a wu nǝ pǝlǝcau a kun Ɓakuli ka? “Gir mǝnana à pè nǝ́ pa ka, nǝ̀ gandǝ banggi ɓwa mǝnana pè ka ama, ‘Palang sǝ a pem ani’ le?”

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Jemis 5:17

Iliya ka ɓwapǝndǝa na kǝla sǝm. Pak hiwi a ɓe pwari nǝ ɓabumi kat ama mbulo ɓǝ̀ kǝa nya ɗang, sǝ à nya mbulo a ɓanza ɗang, pǝlǝa tārú nǝ zongŋo tongno-nong-mwashat.

Sǝna 11:6

À ndanǝ rǝcandǝa amur bumkuli, à nǝ̀ tamsǝ mbulo pà nǝ̀ nya ɗang. Sǝ à ndanǝ rǝcandǝa mala tsǝk amúr arǝ aban kat ɓǝa pǝlǝ nkila. Ɗǝm ngga à ndanǝ rǝcandǝa mala kwak ɓanza nǝ koya ulang agir murmwana, sǝ à nǝ̀ gandǝ ɓǝsǝlǝki pe kǝla mǝnana à earkiyice ka.