Luka 4:22 - Maləmce Məfele mala Ɓakuli: Kurcau Məbəshe

²² Ko yan ngga bang cau mǝɓoarne amuri, sǝ à pak ndali arǝ sǝlǝ nacau male mǝɓuɓɓuki. Pǝlǝa à ɗiban ama, “Nggearǝì ka, muna mala Yisǝfu na man re?”

Luka 4:22 ပူးပေါင်းရင်းမြစ်များ

Luka 2:47

Ɓwa man kat oe ka, ndali kǝrkǝr nǝ sǝlǝgir male andǝ acau mǝnana kǝ nyesǝia wia aɓa pa eare ka.

Luka 2:48

Lang a tarrí andǝ ngge sǝni ka, à ndali. Sǝ ngge ɗi ama, “Munem, palang sǝ a pakka sǝm ani? Mim sǝnǝ tarró sǝm came arǝ alto nǝ rǝɓǝla.”

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Luka 4:21

Pǝlǝa tita nea wia ama, “Mǝnia yì cau ɓa Malǝmce mala Ɓakuli kir wun oe ka, lumsǝna yalung.”

Yohana 1:45

Filip alta Nataniyel yi kumi sǝ ne wi ama, “Sǝm kumǝna ɓwa mǝnana Musa gilǝgir amuri aɓa malǝmce Nggurcau mala Musa, andǝ mǝnana à gilǝa aɓa malǝmce mala amǝ'ɓangna mala Ɓakuli ka, yì Yesu ɓwa Nazarat, muna mala Yisǝfu.”

Yohana 6:42

À bangŋa ama, Yesu ka nda muna mala Yisǝfu, mǝnana à surǝ tarrí andǝ ngge ka. Sǝ palang, adyan sǝ nǝ̀ na ama, sulǝ nǝ kuli?

Yohana 7:46

Amǝyalban banggia wia ama, “Kǝɓwa pà kàm mǝnana kǝ nacau kǝla mala mǝnia yì ɓwa ka ɗang.”

Amǝ Mishan 6:10

Sǝ Bangŋo mala Ɓakuli pe Itǝfanu sǝlǝe mǝnana ɓǝ̀ na cau ka, kǝɓwa atea gandǝ makgirì ɗang.

Titus 2:8

Acau mǝnana à kǝ pur a kuno aɓa kanigir ka, ɓǝa duk mǝsǝcau, ɓwarkio pa a rǝì ɗang, ace mǝnana kǝ ɓwa ɓǝ̀ kǝa kum mǝɓane arǝ kanigir mo ɗang. Anggo sǝ aɓwana mǝnana à kǝ ɓinǝmuro ka, à nǝ̀ kum kǝsǝkya, acemǝnana à pà nǝ̀ kum kǝ cau mǝɓane mǝnana à nǝ̀ bangŋa amur sǝm ngga ɗang.