Luka 4:15 - Maləmce Məfele mala Ɓakuli: Kurcau Məbəshe

¹⁵ Kanigir arǝ andakpapi malea, sǝ koyan ngga ɓwangsǝki.

Luka 4:15 ပူးပေါင်းရင်းမြစ်များ

Matiu 13:54

Nyar a la male a Nazarat. Tita kani aɓwana gir aɓa ndakpapi malea. Ɓwapǝndǝa ndali sǝ à ɗiban ama, “Ake sǝ mǝnia yì ɓwa ka kum mǝnia yì sǝlǝe andǝ bangŋo mala pakki agir-ndǝlǝki ka?

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Matiu 9:35

Yesu gya arǝ anggea-là andǝ amuna-là kat, aban kanigir aɓalǝ andakpapi mala amǝ Yahudi, kǝ hamnǝ Cau Amsǝban mala Domurǝm mala Ɓakuli, sǝ kǝ twalban akwano andǝ arǝpangŋa kat.

Matiu 9:8

Aɓwana mana à ram ngga, ɓangciu pakkia wia arǝ gir mana à sǝn ngga. À ɓwangsǝ Ɓakuli mǝnana pe aɓwana-mǝpǝnde ulang man yì rǝcandǝa ka.

Markus 1:27

Ɓwapǝndǝa ndali kǝrkǝr gandǝa à kǝ ɗiki rǝarǝia ama, “Mana aman? Ɓe kǝ bǝsa kanigir na nǝ rǝcandǝa! Nggearǝ abangŋo mǝɓane ka, kǝ sàrǝia sǝ à kǝ oki wi.”

Markus 1:39

Pǝlǝa gya aɓa nzali Galili kat, kutio arǝ andakpapi malea aban hamnǝ Cau Amsǝban, sǝ kǝ pusǝ akukwar arǝ aɓwana.

Markus 1:45

Sǝa ma lang purna ka, kara tita mesǝ ce a koya ban ngga. Gir nî tsǝa Yesu gandǝ kutio a ɓe kǝ la a ɓamǝsǝ aɓwana ɗang, ak rǝì arǝ aban mǝnana kǝɓwa pà kàm raka. Kat andǝ amani ka, ɓwapǝndǝa pur a koya ban ngga aban yiu abani.

Luka 13:10

A pwari usǝlǝo mala amǝ Yahudi ka, Yesu na aban kani aɓwana gir aɓa ɓe ndakpapi.

Luka 4:16

Yesu kutio a Nazarat la mǝnana gul kam ngga. A pwari Sabbat, pwari usǝlǝo mala amǝ Yahudi ka, Yesu kutio a ndakpapi kǝla mǝnana pakki ka. Lo came nǝ̀ ɓal cau aɓa Malǝmce.