Luka 3:8 - Maləmce Məfele mala Ɓakuli: Kurcau Məbəshe

⁸ Wu pusǝ ɓealǝu mǝnana nǝ̀ lǝmndǝ ama wu pwanǝna'nzali, wu nyingŋǝna acauɓikea ma'wun ngga. Wu kǝa twali ama do ma'wun kǝla amǝkau mala Ibǝrayim ngga nǝ̀ amsǝ wun ɗang. Ən nggǝ na wun ama aɓalǝ atali man ngga, Ɓakuli nǝ̀ gandǝ loasǝi Ibǝrayim amǝkau.

Luka 3:8 ပူးပေါင်းရင်းမြစ်များ

Matiu 21:43

“Sǝ ǝn nggǝ na wun ama Domurǝm mala Ɓakuli ka à nǝ̀ é arǝ wun à nǝ̀ pe aɓwana mǝnana à nǝ̀ pak gir mana Ɓakuli earkiyice ka.

Matiu 3:8

Wu pak agir mǝnana à nǝ̀ lǝmndǝ ama wu pwana'nzali, wu ɗekina acauɓikea ma'wun ngga.

Matiu 3:9

Sǝ wu kǝa sǝni kǝla ɗenyicau ma'wun mǝnana ama Ibǝrayim ngga kà wun na ka, nǝ̀ amsǝ wun ɗang. Ən nggǝ bangga wun, Ɓakuli nǝ̀ gandǝ loasǝ atali mǝnia à nǝ̀ pǝlǝì Ibǝrayim amǝkau.

Luka 13:25

Sǝ ɓǝ̀ mǝtala-ɓala longŋǝna sǝ girǝna kunɓala ka, wu nǝ̀ cam nǝ nza sǝ wu nǝ̀ nggǝ walki kunɓala aban zǝmbǝa ama, “Ɓwamǝgule, mǝnba sǝm kunɓala!” Sǝ yì ka, nǝ̀ eare ama, “Ən surǝ wun ɗang, sǝ ǝn surǝ ban mǝnana wu pur kam ngga ɗang!”

Luka 13:26

Sǝ wu nǝ̀ na ama, “Sǝm li, sǝ sǝm nu, sǝnǝa wun, sǝ a kanì aɓwana gir arǝ anreɓala ma'sǝm.”

Luka 14:9

Sǝ ɓǝ̀ nda anggo ka, ɓwa mǝnana tunǝ wun kǝm ngga nǝ̀ yia no ama, “Lo, nyinggi mǝnia yì ɓwa ka ban.” Nǝ kǝsǝkya sǝ a nǝ nyare aban yiu a ban-do mǝnana a nzǝmo ka.

Luka 19:40

Yesu nea wia ama, “Ən nggǝ bangga wun, ɓǝà duk ɗǝong ngga, atali nǝ akia wia ɓwangsǝkiban.”

Luka 19:9

Pǝlǝa Yesu ne wi ama, “Yalung ngga amsǝban yina a ɓala mǝnia ka, acemǝnana mǝnia yì ɓwa gbal ka mǝ'kà Ibǝrayim na.

Luka 5:21

Amalǝm Nggurcau andǝ amǝ Farisi tita ndali nǝ ɓabumia ama, “Yana mǝnia yì ɓwa kǝ ak bancame mala Ɓakuli ka! Ɓǝ̀ Ɓakuli nǝmurǝì raka, yana nǝ̀ twalban cauɓikea!”

Yohana 8:33

Pǝlǝa à eari wi ama, “Sǝm ngga, sǝm nda ka amǝkau mala Ibǝrayim, sǝm duk aguro mala kǝɓwa àkǝ̀ pwari ɗang. Lang sǝ a nǝ na sǝm ama à nǝ̀ panzǝ sǝm?”

Yohana 8:39

Sǝ à eare ama, “Ibǝrayim nda kà-sǝm.” Yesu nea wia ama, “Ɓǝ̀ kàngkàng wu ndaka amǝkau mala Ibǝrayim ngga, wu nǝ̀ pak agir mǝnana Ibǝrayim pea ka.

Amǝ Mishan 26:20

A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Roma 4:16

Ace mani ka, nǝ́ guli a rǝ Ɓakuli sǝ ɓwa nǝ̀ kum gir mǝnana Ɓakuli pàcau ace ka. Ɓakuli pe anggo ace mǝnana ɓǝa sǝlǝ ama kàngkàng gir mǝnana pàcau ace ka nǝ̀ ɓwamur aɓwana nǝi, yia aɓwana kat mǝnana amuna mala Ibǝrayim na ka. Mǝno yì ɓwamuru ka pa ace amǝ Yahudi mǝnana à kpakiyi ata Nggurcau ka nǝmurǝia ɗang, nda gbal ace aɓwana mǝnana à earnǝ Ɓakuli, à guli a rǝì kǝla mala Ibǝrayim ngga. Ibǝrayim ngga nda tar sǝm kat.

Amǝ Roma 9:7

Sǝ ɗǝm ngga aɓwana na kat mǝnana tea pur nǝ Ibǝrayim ngga, sǝ à ndaka amuna mala Ɓakuli ka ɗang. Ɓakuli ka bangŋǝni Ibǝrayim ama, “Aɓa Ishaku sǝ amǝkeo mǝnana ǝn po cau acea, ka à nǝ̀ puro.”

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.