Luka 3:22 - Maləmce Məfele mala Ɓakuli: Kurcau Məbəshe

²² Bangŋo Mǝfele sulǝ amuri nǝ nggunrǝu kǝla kutu. Gi Ɓakuli pur nǝ kuli na ama, “A nda Munem mǝnana ǝn nggǝ earceo ka, ban kǝ ɓoaram a rǝo kǝrkǝr.”

Luka 3:22 ပူးပေါင်းရင်းမြစ်များ

Matiu 12:18

“Guro mem mǝnana ǝn tarì ka ndya ka, mǝnana ǝn nggǝ earce sǝ bumam kǝ pwasǝa rǝì ka. Mǝ nǝ tsǝki wi Bangŋo mem amuri, sǝ yì ka nǝ̀ hamnǝ ɓashi mem mǝ'mǝsǝcau nì aban aɓwana a ɓanza ama à nǝ̀ kum amsǝban a buam.

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 27:43

Yì ka, guli arǝ Ɓakuli, sǝ na ama yì ka, Muna mala Ɓakuli na. Ɓǝ̀ Ɓakuli earce nǝ̀ amsǝi ka, ɓǝ̀ amsǝi ado sǝm nǝ̀ sǝni.”

Matiu 3:13

Aɓalǝ anonggeo mǝno ka, Yesu pur a Galili sǝ yiu a Nggeasala Jodan ace mǝnana Yohana ɓǝ̀ yi pakki wi batisǝma ka.

Matiu 3:16

Lang Yohana malǝna pakki Yesu batisǝma, sǝ Yesu eapi mur ani ka, kara kuli mǝnna sǝ sǝn Bangŋo mala Ɓakuli aban sulǝo kǝla kutu, yi do amuri.

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Markus 1:11

Gi Ɓakuli pur nǝ kuli na ama, “A nda Munem mǝnana ǝn earkiyi ace raka, mǝnana ban kǝ ɓoaram a rǝì ka.”

Markus 1:9

Aɓalǝ amǝno yì anonggeo ka, Yesu pur a Nazarat, a bu-nzali Galili. Yohana yi pakki wi batisǝma a Nggeasala Jodan.

Markus 9:7

Pǝlǝa pǝrɓang puro yi gir muria. Gi Ɓakuli pur nǝ ɓa pǝrɓang ama, “Mǝnia ka nda Munem mǝnana ǝn earkiyi ace raka. Wu oki wi.”

Luka 2:14

“Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Luka 4:21

Pǝlǝa tita nea wia ama, “Mǝnia yì cau ɓa Malǝmce mala Ɓakuli kir wun oe ka, lumsǝna yalung.”

Yohana 1:32

Pǝlǝa Yohana bang gir mǝnana surǝì amuri ka ani: “Ən sǝn Bangŋo mala Ɓakuli kǝla kutu, sulǝ nǝ kuli yi do amuri.

Yohana 12:28

We Dâ, yinǝ gulo ace lullǝo! Kara Ɓakuli na cau nǝ kuli ama, “Ən angŋa dǝmbǝa ǝn gusǝlǝna lullǝam, sǝ Mǝ nǝ gusǝlǝi ɗǝm.”

Yohana 5:37

Sǝ Tárram mǝnana tasǝam ngga náná kunam. Wu malaká ok gi àkǝ̀ pwari ɗang, sǝ wu malaká sǝn ɓamǝsǝi gbal ɗang.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,

1 Bitǝrus 2:4

Wu yiu aban Kǝrǝsti, yì tali mǝyilǝmuì, mǝnana aɓwana ginǝki, sǝ Ɓakuli twali acemǝnana abani ka ndanǝ ɓoaro ka.