Luka 3:16 - Maləmce Məfele mala Ɓakuli: Kurcau Məbəshe

¹⁶ Pǝlǝa Yohana earia wia kat ama, “Ən nggǝ pakka wun batisǝma nǝ mur. Sǝ ɓeɓwa nakam kutiam nǝ gulo, nda nǝ̀ yiu ka. Anggur-nkura male ka, ǝn kārǝa mǝ nǝ panzǝia ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Luka 3:16 ပူးပေါင်းရင်းမြစ်များ

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 3:12

Kwar sarǝgir male na a bui, nǝ̀ yia pusǝ kwá arǝ mǝsǝsa a katǝra, nǝ̀ so mǝsǝsa a ba, sǝ kwá ka nǝ̀ pisǝì a bǝsa mǝnana panǝ linggi raka.”

Yohana 1:26

Yohana earia wia ama, “Ən nggǝ pakki aɓwana batisǝma nǝ múr, sǝ ɓeɓwa na came aɓalǝ wun mǝnana wu surǝì raka,

Yohana 1:27

yì ka, nda ɓwa mǝnana kǝ yiu a tam tu ka, ǝn kārǝa mǝ nǝ panzǝ anggur-nkura male ɗang.”

Yohana 1:33

Ɓǝ́ pà mǝ nǝ surǝì ɗang, ɓǝ̀ Ɓakuli mǝnana tasǝam ama ɓǝn yi pakki aɓwana batisǝma nǝ múr ka na nam raka. Nam ama, ‘Ɓwa mǝnana a sǝni Bangŋo mem sulǝo yi do amuri ka, nda ɓwa mǝnana nǝ̀ pakki aɓwana batisǝma nǝ Bangŋo Mǝfele ka.’

Yohana 7:38

Ɓwa mǝnana kat pà ɓamuri abanam ngga, a bumi sǝ amealmur mala mur mǝpà yilǝmu nǝ̀ puro, à nǝ̀ nggǝ ɓangŋa, kǝla mǝnana Malǝmce na ka.”

Amǝ Mishan 1:5

Yohana ka pakki aɓwana batisǝma nǝ múr, sǝ banì pà nǝ̀ sau ɗang aɓalǝ anonggeo bǝti ka, à nǝ̀ pakka wun batisǝma nǝ Bangŋo Mǝfele.

Amǝ Mishan 10:44

Kun Bitǝrus malaká pwal ɗang, kara Bangŋo Mǝfele sulǝo amur aɓwana mǝnana kat à kǝ ok cau mana nakiyi ka.

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

1 Amǝ Korinti 12:13

Sǝm kat ka, à pakka sǝm batisǝma nǝ Bangŋo mǝ'mwashati ɓǝ̀ sǝm duk nggūrǝu mwashat, amǝ Yahudi andǝ aɓwana mǝnana amǝ Yahudi na raka, aguro sǝ aɓwana mǝnana aguro na raka. Sǝ sǝm kat ka, à tsǝa sǝm nu aɓa Bangŋo mǝ'mwashati.