Luka 3:11 - Maləmce Məfele mala Ɓakuli: Kurcau Məbəshe

¹¹ Yohana earia wia ama, “Ɓwa mǝnana kat ndanǝ adaura ɓari ka, ɓǝ̀ nyesǝ ɓe ɓǝ̀ pè ɓwa mǝnana pa nǝi raka. Ɓwa mǝnana nǝ girlina ka, ɓǝ̀ pè aɓwana mǝnana à pa nǝi raka.”

Luka 3:11 ပူးပေါင်းရင်းမြစ်များ

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Luka 11:41

Ɓe wu nǝ̀ pe amǝtǝr agir mǝnana wu ndanǝia ka, ko mana ma'wun kat ka nǝ̀ dupa wun nǝ ɓoarnsari.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Luka 19:8

Zaka pǝlǝa lo sǝ ne Mǝtalabangŋo ama, “Mǝtalabangŋo, sǝni, mǝ nǝ gau girkuma mem aɓalǝu, mǝ nǝ pe amǝtǝr kāmbe mwashat, sǝ ɓǝ̀ ǝn mbǝrina kǝɓwa ka, mǝ nǝ nyesǝi ɓwe gir nî kusǝ ine.”

Yohana 13:29

Sǝ acemǝnana Yahuda nda mǝbwal boalo malea ka, aɓea laggana kǝ sǝni kǝla Yesu na ban ne wi ɓǝ̀ kyane ɓǝ̀ kya kur gir mǝnana à nǝ̀ pangŋǝna turo nǝi ace Lamsan ngga. Ko a na raka, ɓǝ̀ kya pe amǝtǝr aɓa boalo mǝnana a bui ka.

Amǝ Mishan 10:2

Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.

Amǝ Mishan 10:31

Na ama, “Karnilus, Ɓakuli ongŋǝna hiwi mo sǝ sǝnǝna aɓoro mǝnana a kǝ pe amǝtǝr ka.

Amǝ Mishan 10:4

Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?” Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia.

Amǝ Afisu 4:28

Ɓǝ̀ a kǝ iun'i ɗiɗyal ka, nying buo a rǝì. Pak turo mǝɓoarne nǝ abuo, ace mǝnana wu kumo wu pe aɓwana mǝnana à ɗwanyi ka.

1 Timoti 6:17

Kwarkir amǝkume mǝnana a ɓanza man ngga, ɓǝa kǝa twalɓamuria ɗang, sǝ ɓǝa kǝa tsǝkɓalǝia arǝ agǝna malea mǝnana à kǝ kuti nǝ kutio ka ɗang. Tsǝkɓalǝu malea ka, ɓǝ̀ do amur Ɓakuli, yì ɓwa mǝnana kǝ pa sǝm nyangsang agir mǝnana kat sǝm nggǝ earce ace banɓoarnado ma'sǝm ngga.

1 Timoti 6:18

Nea wia ɓǝa kǝ pak mǝɓoarne nǝ boalo malea. Ɓǝa duk amǝkume aɓalǝ aturo mǝɓoarne, sǝ ɓǝa kǝ pabu aban aɓwana mǝnana à panǝi raka. A koya pwari ka, ɓǝa kǝ kumia nǝ gilǝrǝu mala bwalia aɓwana kam, nǝ agir mǝnana kat Ɓakuli pea wia ka.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

Jemis 2:14

Mana nda ɓoaro male, wun amǝ'eamrǝarǝu, mǝnana ɓǝ̀ ɓwa na ama pana ɓamuru aban Yesu, sǝ lǝmndǝi aɓa pakki aturo male raka? Mǝno yì paɓamuru ka nǝ̀ amsǝi le?

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?

1 Yohana 4:20

Ɓǝ̀ kǝɓwa na ama: “Ən nggǝ earce Ɓakuli,” sǝ kǝ ɓinǝ mǝsǝ mǝ'eambǝi ka, mǝnia yì ɓwa ka, mǝ'nyir na. Acemǝnana ɓǝ̀ ɓwa pà nǝ̀ earmǝsǝ mǝ'eambǝi mǝnana kǝ sǝni ado raka, pà nǝ̀ gandǝ earce Ɓakuli mǝnana kǝ sǝni raka ɗang.