Luka 24:51 - Maləmce Məfele mala Ɓakuli: Kurcau Məbəshe

⁵¹ Nda rǝ tsǝkia wia bu ka, kara nyia, pǝlǝa à twali aban ká a kuli.

Luka 24:51 ပူးပေါင်းရင်းမြစ်များ

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Luka 24:50

Pǝlǝa puro andǝia à kya bwal Betani. Loasǝ bui a kuli sǝ tsǝkia wia bu.

Luka 24:52

À peri abani, sǝ à nyare aban ká a Urǝshalima nǝ bumpwasǝa kǝrkǝr.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Amǝ Mishan 1:9

Anzǝm mǝnana Yesu naná cau anggo ka, àkǝ̀ mǝsǝia à nda rǝ sǝne, kara à twali aban ká o a kuli. Kya ko aɓa pǝrɓang, à gandǝ sǝne ɗǝm ɗang.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.