Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luka 24:27 - Maləmce Məfele mala Ɓakuli: Kurcau Məbəshe

27 Pǝlǝa tite nǝ Nggurcau mala Musa andǝ Kanigir mala amǝ'ɓangna mala Ɓakuli kat, bǝlkia wia ɓalǝ acau mǝnana à gilǝia aɓalǝ Amalǝmce amuri ka.

အခန်းကိုကြည့်ပါ။ ကော်ပီ




Luka 24:27
50 ပူးပေါင်းရင်းမြစ်များ  

Nea wia kǝ cau mana pa nǝ kanicau raka ɗang. Sǝa ma ɓǝa nda nǝmurǝia andǝ alaggana male ka, kǝ tarkya aɓa ko man ngga.


Pǝlǝa Yesu nea wia ama, “Wu gǝmi fat, sǝ ɓamur wun dǝmbǝri arǝ bwalta acau mǝnana kat amǝ'ɓangna mala Ɓakuli na ka!


Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”


Filip alta Nataniyel yi kumi sǝ ne wi ama, “Sǝm kumǝna ɓwa mǝnana Musa gilǝgir amuri aɓa malǝmce Nggurcau mala Musa, andǝ mǝnana à gilǝa aɓa malǝmce mala amǝ'ɓangna mala Ɓakuli ka, yì Yesu ɓwa Nazarat, muna mala Yisǝfu.”


Ishaya na man yì cau ka, acemǝnana ak dǝmbǝa sǝn gulo mala Yesu ɗiɗyal, sǝ bangcau amuri.


Sǝ Tárram mǝnana tasǝam ngga náná kunam. Wu malaká ok gi àkǝ̀ pwari ɗang, sǝ wu malaká sǝn ɓamǝsǝi gbal ɗang.


Wu kǝ ɓalla andǝ mǝnggi ɓa Malǝmce, acemǝnana wu kǝ sǝni kǝla a ɓalǝi sǝ wu nǝ̀ kum yilǝmu mǝnana málá male pà kàm raka, sǝ aman yì acau wu ɓalkiyi ka, mǝ nda à nakiyi cau a muram ngga.


Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.


Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka.


Musa bangŋa ama, “Mǝtalabangŋo Ɓakuli ma'wun, nǝ̀ loasǝ ɓe mǝɓangna, kǝla mim aɓalǝ aɓwana ma'wun. Wu tsǝk kir wun arǝ agir mǝnana kat nǝ̀ bangga wun ngga.


Tite aban Samuyila, amǝ'ɓangna mala Ɓakuli kat, amǝnana Ɓakuli bang cau nǝia ka, à bangŋa cau amur agir mǝnana à kǝ kumban yalung ngga.


Mǝnia ka nda kǝ Musa mǝnana nea amǝ Isǝrayila ama, “Ɓakuli nǝ̀ loasǝ ɓe mǝɓangna male kǝla mim àkǝ̀ ɓalǝ aɓwana ma'wun.”


Filip tite nǝ́ kǝ mǝnia yì ban aɓa Malǝmce ka, pǝlǝa banggi wi Cau Amsǝban mala Yesu.


Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ